運動生活平台

【健康生活】健步走點先算有效?

0

健步走嘅好處有好多,最好命要係隨時隨地都可以健步走。健步走可以提升骨密度、預防老人痴呆、減低中風、患乳癌嘅風險。美國大型研究甚至發現,健步走比起慢跑對於降低血壓、血糖同膽固醇更加有效,可以預防糖尿病同心血管疾病嘅風險。但係點先知道自己健步走係有效架呢?其實健步走你一種和緩嘅運動,如果達唔到一定嘅程度,你唔會發揮到運動嘅效能架!咁我哋點先估自己跑健步嘅係有效架呢?

1. 流汗程度

如果我哋健步走嘅時候冇流汗流到件衫濕哂要換衫,或者塊面、額頭都冇出汗,咁就代表住我哋嘅健步走可能未達標啦。最理想嘅帶氧運動心跳區域,係最大心跳率嘅 75~80%。
如果我哋健走咗 30 分鐘,就一定要有 10~15 分鐘嘅心跳率係達到依個區域入面,先至可以達到運動嘅效能。

2. 一路行一路講
運動嘅時候有人陪伴的確會開心好多,唔怕會孤單寂莫。但係我哋要注意,如果我哋可以一路健步走,一路講完一句說話但唔會面紅氣喘,咁就代表你有需要去再增加運動嘅強度啦。大家可以試下快慢交替咁行。例如快步行 1 分鐘,慢行 2 分鐘,如此類推咁交替進行,唔單只有助消耗更多熱量,仲會冇咁容易受傷添。

3. 健步走後唔攰
大家唔好誤會以為健步走之後唔攰肌肉又冇痛,就代表你嘅肌肉好強壯。因為就算係平時我哋行路,都應該會覺得攰,才可以真正達到運動效果。大家可以試下轉行上斜坡,咁就可以係唔需要加快速度嘅情況下,鍛鍊到小腿、大腿、臀肌等肌群,同時亦都有效增強心血管功能。但係落斜坡嘅時候為咗避免膝頭受傷,步伐就要變細啦。

 

Comments
Loading...