【健康生活】坐得多,命都短幾年?

0

每日返工都由朝坐到晚坐足八、九個鐘頭,唔好講話做運動啦,連郁下舒展下筋骨都冇機會啊。但係原來坐得多,除咗易肥唔健康之餘,仲會短命啲添架!

挪威運動科學學院(Norwegian School of SportsSciences)同英國劍橋大學做咗一個分析體能活動對健康影響嘅研究,由最懶散嘅每日運動唔夠 5 分鐘,到每日運動 60 到 75 分鐘,進行 2 至 14 年嘅研究分析,再調查其中有幾多人過世。

專家建議:每天 1 小時的運動有益健康

研究人員指出,一日坐足 8 小時,但係有經常做連動嘅人,比起每日坐嘅時間比較少,但係完全唔做運動的人,早啲死嘅風險比較低;而長時間都坐係到又唔運動嘅人,早死嘅風險最高。

挪威運動科學學院教授厄克倫(Ulf Ekelund)表示,好多係Office到返工嘅人,成日都要係Office到 坐足一日,所以好應該每日做最少 1 個鐘頭嘅運動,例如晨跑,放lunch出去散下步。如果做唔到嘅話,咁每天都至少要諗辦法做一啲運動。教授表示,每日就算淨係做 1 個鐘嘅溫和運動,都對健康好有幫助。Image result for watch tv

另外,根據 1個對超過100 萬人參與嘅國際研究,一日到黑坐係梳化到睇電視對身體健康造成嘅風險比坐係到唔願郁更加嚴重!研究指出每日睇超過 3 小時電視嘅人早逝嘅風險都會提高,原因可能係因為好多人都會係晚餐之後睇電視,令到新陳代謝機能受到影響。而且好多人都會係睇電視個陣食零食,食個生活習慣係非常唔健康嘅。

研究人員建議政府應該制定多啲可以鼓勵市民做多啲運動嘅政策,例如係巴士站之間嘅距離應該拉長,鼓勵市民行多啲路,同時俾辦公室嘅員工可以更加方便去做運動,例如午餐時間更加彈性,同埋係辦公室入面增設淋浴設備。

Comments
Loading...