【健康生活】奇怪方法減肥搞壞身體?

0

為咗係夏天擁有苗條身材,好多女仔都會用五花八門古靈精怪嘅方法去減肥,咩「斷食減肥法」、「食肉減肥法」啊,最近仲有另一招「返工減肥法」。唔係話返工就減到肥啊,而係返工跑日子就食好少嘢,食得清淡啲,多菜少肉少澱粉。一等到周末,就可以大魚大肉,獎勵下自己咁話。但原來依個方法會令身體變差,仲會引起女士們最唔想遇到嘅四  個症狀!

  1. 肌膚變差
  2. 便秘
  3. 易攰
  4. 營養失衡

好多女仔一到星期六日就會約人周圍去食好西,好容易搞到暴飲暴食,假期結束之後因為大飲大食咗兩日好大罪惡感,好驚放假日食咁多嘢好易肥到變豬,節以返工跑日子又即刻積極控制飲食,搞到一日連1000卡路里都食唔到,最後搞到肌膚出現問題,有敏感、甩皮、生暗瘡嘅問題。個人又會好容易攰,返工冇精神,仲會便秘同埋營養失衡。

其實冇好多人都會用「返工減肥法」去減肥,但根據臨床觀察,食種減肥法其實會令體重不降反升,更加有人因為咁而肥咗 3 公斤,仲會有口臭、營養不足嘅問題。

其實我哋平日同放假都應該飲食均衡,星期六日要去食大餐,返工嘅日子可以選擇3日嘅早餐都食含有高蛋白質嘅食物,例如高纖豆漿、魚、雞肉配沙拉,咁就可以增加纖維,可以幫助排便。

如果平時連 1,200 卡路里都食器到,咁樣除咗減唔到肥之外,就連所需嘅營養都吸收唔到。其實減肥唔可以靠快速節食,我哋應該增加運動量,食多啲蔬菜水果或者蓄著依類高纖維嘅食物,唔好一時節食,一時又暴飲暴食,搞到物極必反。

Comments
Loading...