【健康生活】水飲得愈多愈好?

0

由細到大,一到咗夏天,阿媽一定會叫我哋飲多啲水補充水份,尤其是跑完步做完運動出哂成身汗更加應該飲水。但係原來唔係個個人都適宜飲水架!

早前有一個腎臟病患者,因為飲得太多水,竟然引發腳水腫、呼吸急促,出現心臟衰竭症狀需要入院接受治療。醫生建議腎臟衰竭、心臟衰竭或者肝硬化患者,係夏天唔應該猛灌水。成人一日最少需要飲水嘅份量大概係1500-2000cc去維持新陳代謝。但係有唔少心臟同腎臟病患者,因為水分或鹽分攝取過多,引起呼吸急促、肺水腫需要去睇醫生。

 

我哋平時係夏天補充水分,就更加需要特別注意。曾經有朋友試過係幾個鐘頭內瘋狂灌水,引起水中毒,出現神智不清、抽筋、昏迷等症狀。雖然依種程況唔係好常見,但係如果係兩至三個鐘頭內毫無節制,瘋狂飲6000-8000cc嘅水,腎臟趕唔切消化大量水分,然後水份會稀釋體內嘅鈉濃度,造成低血鈉,引起水中毒。
醫生解釋,一般人體大腦會主動釋出訊號,話俾我哋知我哋已經飲夠水啦,但係如果係腎臟衰竭、心臟衰竭或者肝硬化患者,只能夠靠體重判斷,如果個日磅重發現比前一日重零點五公斤,代表之前一日飲多咗水或者攝取得太多鹽分,咁當天嘅飲食飲水就要節制啦。
營養師表示,腎臟衰竭、心臟衰竭或者肝硬化患者可以依個人體重計算,每一公斤飲30cc水,六十公斤嘅人,一日可飲1800cc水。不過如果經常運動或者做消耗體力嘅工作,就多飲都無妨。

Comments
Loading...