【健康生活】眼睛都要做防曬!

0

炎炎夏日,戶外個太陽曬到真係蛋都煎得熟啊!平時我哋出去跑步做運動都一定會搽防曬,因為啊想曬黑啊嘛!但其實對眼都要防曬架!台灣一個 40 歲嘅上班族,因為係室外曝曬咗成 4 個鐘,而平時都冇幫對眼做任何防曬措施。之後就發現自己係陽光下睇嘢好矇,好似冇層霧係眼面咁,即處去睇醫生先發現自己有白內障,要開刀做手術。眼科醫生話,有600 度以上嘅近視或者有鞭光,都係白內障高危險一族,係戶外一定要幫眼睛做好防曬。

原來陽光中嘅紫外線有分長波 UVA 同短波 UVB ,眼角膜會吸收UVB,由於 UVB 能量高,久而久之就會造成光害性角膜炎,輕則覺得眼睛乾澀、要成日眨眼去分泌淚液,重則會就出現畏光、淚流不止、視線模糊。

另外,長波 UVA 會穿透眼角膜,令到水晶體吸收,造成水晶體氧化、混濁,產生白內障而影響視力。她提醒,600 度以上高度近視嘅患者就要特別注意,因為眼睛退化,抗氧化能力弱,再受到紫外線刺激,就好容易出問題。有啲小朋友會用散瞳劑嚟控制近視度數,但係瞳孔都會因為咁而失去遇光縮細嘅功能,所以對眼好易因為吸收到過量紫外線而受傷。

當紫外線指數達過量、甚至是危險等級嘅時候,係陽光之下 15~20 分鐘、皮膚就會好易曬傷,但眼睛被曬傷嘅時間就更加短。雖然無實際數字證明,眼睛係過度紫外線曝曬下,幾分鐘內就會被曬傷,但因為皮膚有角質層保護,但對眼係冇嘅。大家朝早出街,應該要戴太陽帽同帶遮嘅習慣,而蚋近視、或戴隱形眼鏡者,可以戴太陽眼鏡,有戴眼鏡嘅就可以配有變色、防 UV 功能的鏡片,降低紫外線影響視力。

Comments
Loading...