【好片推介】軟骨小百科

0

半月板相信喺做運動嘅人最常聽到嘅軟骨,不過除咗半月板之外耳仔其實都喺軟骨其中一種,而軟骨其實有好多種,有軟有硬,佢哋功能各有不同,另外,如果軟骨一唔小心受傷要修復癒合的話,過程相當之困難,想知點解一齊睇片了解下軟骨喺咩啦~

1.軟骨喺咩嚟?

軟骨喺人體當中有好多方面嘅功能,而軟骨由好多微細軟骨細胞聚合而成,形成一個有別於骨骼嘅柔軟組織,有用於外觀功能嘅外耳殼、鼻骨;承受衝擊力嘅半月板;幫助關節活動度嘅軟骨,椎間盤。

2.軟骨種類

軟骨有唔同嘅功能,自自然然結構上會有所不同。用於外觀裝飾嘅軟骨因為需要承受外在衝擊力,所以偏向比較柔軟,主要為彈性軟骨;骨與骨之間如果只需要單純承受壓力,例如半月板,主要為平滑軟骨,表面相當平坦磨擦力低;關節之間多數為纖維軟骨,主要由一絲一絲軟骨纖維組成,結構相當柔韌,加上活動度高,用於脊椎與脊椎間相當合適。

3.軟骨修復

軟骨需要修復其實相當困難,唔似肌肉骨頭有直接血管提供營養原料,要修復嘅話,主要單靠修複物透過滲透聚積喺破損地方上面,所以過程十分緩慢,要完成一整個康復程序需要一點一滴累積。

4.目前修復軟骨方法

有時軟骨可能會破損到無辨法透過自然修補,可能就需要尋求外科手術介入。目前外科手術主要喺骨頭上鑽一個一個窿,刺激骨頭表面生長結疤組織,就好似有一層新軟骨喺表面咁;移植亦喺其中一個主要方法,喺受傷表面移植一層軟骨,如果條件合適,就會喺表面生長,最後回復正常功能;目前用於修復軟骨最高科技喺利用自體幹細胞,方法喺由身體抽出細胞,再透過實驗室培植成軟骨,再進行移植。

 

 

Comments
Loading...