【好片推介】測PACE大法!!

How To Find Your Running Pace

0

相信有唔少朋友對於要點樣測試合適自己嘅PACE有相當大嘅疑問,特別係啱啱接觸跑步運動嘅朋友,有一個準確嘅PACE能夠令訓練更加有效率,事半功倍, 因為之後長課,間歇跑,速度跑等等,都可以有一個PACE作為標準,要設計訓練課表嘅時候就更加容易.

1.用RPE衡量PACE

我哋之前有出過一編有關RPE測試運動強度嘅文章,如果你了解自己身體情況的話,用RPE檢測當前嘅強度,用RPE計算配速是否適合係相當有用嘅,一般RPE會分成1-10級,整體嚟講45分鐘長課保持喺5-6級就為之啱PACE.

2.長課PACE點測?

需要維持速度45分鐘以上嘅訓練都可以稱之為長課,一個長課最主要都係保持均速,身體有能力應付同時疲勞累積度低,要測量一個長課配速,除咗可以用RPE測試之外,仲可以用呼吸作為指標,如果全程都能夠用鼻呼吸,亦都可以視為長途啱自己嘅PACE.

3.測間歇跑PACE

間歇跑最好測試嘅方法仍然係觀察心跳率,不過如果無測量心跳率嘅儀器,不妨試下衝30秒最快PACE以及可以維持嘅速度,得出嘅數據會係單次最快間歇跑配速,之後就可以因應間歇組數,適量調低配速.

4.速度跑PACE

我哋知道速度跑其實界乎於長課同間歇跑之間,所以如果你有先做上面兩個測試,你大概能夠估計出合適你嘅速度跑配速,一般最理想嘅配速會落係兩者平均值再高試少嘅水平,所以都建議先做間歇跑同速度跑測試會比較好.

Comments
Loading...