【好片推介】準備長課不可不知的事~

GTN's Long Run Training Guide

0

長課喺好多人嘅課表當中都必定存在,原因無他嘅,因為長課喺所有訓練打好根基嘅第一步,訓練效果包括提升身體有氧能力,抗疲勞能力,增加能量使用效率等等,所以即使最頂尖嘅運動員,訓練課表當中,長課可以話喺不可或缺嘅一環,不過頂尖運動員長課都會有後勤人員幫佢哋打點一切,咁如果一般人要跑長課需要準備啲咩呢?

1.運動手錶:

對於現今有恆常參與運動嘅人嚟講,一隻運動手錶喺基本裝備,而運動手錶可以幫你喺長課中,不斷監測第一手運動強度資訊,令你更能夠保持運動目標。

2.適合長課跑鞋:

一對唔合適嘅跑鞋可能會導致運動創傷,有唔少人都會一對跑鞋走天涯,其實唔同距離都有合適嘅跑鞋,一般建議距離愈長使用避震愈好跑鞋。

3.食物或能量來源:

有時跑到去一啲了無人煙嘅地方,突然之間撞牆,如果有準備食物充就可以繼續訓練,確保訓練質素。

4.錢:

同帶食物嘅原因一樣,有帶錢可以中途買食物,如果身體不適可以即時坐車返屋企,所以點都帶些少錢出去。

5.太陽眼鏡同帽:

長課好多時都需要長時間喺陽光之下運動,而太陽眼鏡可以保護眼睛免受紫外線傷害,帽加上太陽眼鏡能夠有更全面保護。

6.風褸:

冬天跑步可能會跑到啲當風位,帶定一件風褸可以避免突然冷嚫。

7.防曬霜:

不論夏天同冬天,防曬都需要做足,長期曝露喺紫外線之下,患上皮膚癌風險亦會大增。

Comments
Loading...