【好片推介】肌腱小百科

0

喺睇完上編之後大家對於肌肉都有一定了解,今次同大家介紹下肌肉嘅延伸肌腱,肌腱無肌肉咁複雜,但喺運動嘅時候肌腱都同樣重要,佢主要負責嘅功能會令肌腱好容易患上慢性發炎,想知點解,一於睇片啦~

1.肌腱結構:

肌腱屬於肌肉延伸,肌腱無收縮能力,但喺有好好嘅彈性,所以運動嘅時候有或多或少幫助。

2.肌腱為什麼會受傷?

肌腱結構同肌肉差唔多,兩者都喺由一絲一絲纖維所組成,而肌腱主要用嚟傳遞肌肉力量,再帶動骨頭移動形成動作,不過如果肌肉收縮力量過大或負荷過重,會令肌腱承受極大拉扯,導致肌腱當中會有些微纖維撕裂。

3.要如何才能幫助肌腱回復?

肌腱同肌肉唔同,肌腱無直接血管連繫,要修復肌腱就只有單靠擴散作用,等肌腱慢慢生長回復正常。

4.有幫助肌腱生長的方法嗎?

受傷後進行低負荷重量訓練,有助肌腱纖維喺修復過程中正常排列,不過強度及負荷量需要好好拿捏,過大嘅負荷量會破壞更多肌腱纖維,同時肌腱纖維因此排列不整,影響彈性同功能,未來患上慢性肌腱炎的機率增加。

Comments
Loading...