【好片推介】點樣跑運動場先叫專業?

How To Get Started Running On A Track | GTN's Simple Track Session

0

香港地少人多,有人話體育發展無任何經濟利益,所以提議要拆運動場,自自然然運動場就買少見少啦,不過作為長期固定訓練嘅跑友,總有機會跑運動場,因為運動場比到你嘅喺跑街無辦法滿足,平坦舒適道路,方便計算距離,環境因素穩定等等,都喺跑運動場嘅好處,咁跑運動場有咩指引同特別訓練法呢?

1.第一件事-熱身

不論做任何運動之前熱身都喺不可或缺嘅,一般建議正式運動之前熱身10-15分鐘可以令訓練更加有效率,以及某程度上預防運動創傷,熱身階段可以進行緩步跑同動態伸展,提升體溫,肌肉血流量,關節活動度。

2.做跑街做唔到嘅訓練

一啲功能性或者技術性訓練,喺街上面做可能會遇到一定阻滯,例如蹬跨步,必須要喺平坦,無人阻礙,大概三十米至五十米長直線跑道上進行;另一個運動場最適合嘅就非Interval所屬,最簡單就喺跑一圈抖一圈,用1:1訓練休息比調配訓練內容.

3.中長距離配速跑

香港人多車多,樓多馬路多,跑一段距離就會有行人,甚至要等紅綠燈過馬路,運動場如果較啱時間,做中長距離配速跑就最適合不過。

4.最後一步-緩和

休息喺為咗行更長嘅路,緩和喺為咗做更多訓練。訓練結束後進行靜態伸展,可以放鬆返運動過程中被大量使用嘅肌肉,當肌肉放鬆嘅時候,可以令營養物質更容易擴散到肌肉中,幫助身體有更好條件成長。

Comments
Loading...