【實測鞋評】NewBalance Fresh Foam 1080v8

0

【實測鞋評】New Balance Fresh Foam 1080 v8

【實測鞋評】New Balance Fresh Foam 1080 v8今次筆者要試嘅係高端厚底跑鞋Fresh Foam 1080 v8,係由New Balance近期所推出嘅高級訓練用厚底鞋,當然想要用嚟落場比賽都無問題啦!快啲睇下啦!完整評測: https://runrun.com.hk/?p=13016#實測鞋評 #NewBalance#runrunRUNRUN運動生活平台runrunTV: https://runrun.com.hk/category/runruntv/runrun賽事曆: http://runrun.com.hk/events/RUNRUN運動生活平台Like Our Page:https://www.facebook.com/runrunhk

Posted by RunRun.com.hk 運動生活平台 on 2018年1月23日

 

去年最令人矚目跑鞋一定非Nike Zoom Fly莫屬,驟眼睇上去超厚中底令人印象極為深刻,反觀近年各大品牌都相繼推出厚底跑鞋,由入門級到競賽級都有厚底跑鞋推出,以前一般對於薄底鞋跑為比賽跑概念,厚底跑鞋屬於訓練用鞋嘅概念,亦逐步被改寫,今次記者要試嘅係高端厚底跑鞋Fresh Foam 1080v8,係由NewBalance近期所推出嘅高級訓練用厚底鞋,當然想要用嚟落場比賽都無問題啦!

 

NewBalance Fresh Foam 系列由第V6開始推出,到V8已經進化到第三代,而V8主打嘅中底利用科學數據調節Fresh Foam 蜂巢型中底,鞋領結構方面亦有作出些微改動,更貼近腳踝關節同時,不失支撐性及可動度,加上特別設計過嘅Ortholite® 鞋墊為足弓進一步提供承託力,額外緩震能力可以跑得更持久舒適性,應付更長訓練里數 ,而最近NewBalance Fresh Foam 1080v8推出左兩款新色。

特別設計過嘅Ortholite® 鞋墊為足弓進一步提供承託力

 

改良的外底坑紋設計,提供精準且強力的緩震效果。

 

重量:

雖然係一對厚底鞋,不過重量比想像中輕,唔同size重量不同,平均就落係314克。

款色:

新款色目前有兩隻,男裝為紫黑配色,女裝灰黑紅三色配搭,其他顏色香港暫時未有推出。

女裝灰黑紅三色配搭。

 

跑鞋參數:

男女鞋只有款色同Size上不同,基本上跑鞋參數無特別差異,頭跟drop為8mm,鞋跟高30mm,前掌高度22mm,前掌大小有闊、狹窄、正常三種選揀,記者今次所試嘅係闊版,42號Size,前掌闊嘅朋友強烈建議要揀闊版,因為鞋前掌位置有一個膠位,加上足弓位高,太窄會磨到起水泡。

一個月後試用感:

如果只有簡單介紹大家上官網睇都得啦,我哋所做嘅跑鞋評都會進行過實測,先會寫出嚟比大家參考,再得大家自己衡量依一對鞋啱唔啱,今次記者當然同上一對Pegasus 34一樣跑咗三十公里左右,先出文比大家。

基本上由新鞋落地,到跑咗大概三十公里,鞋面有些微疲勞變軟,鞋帶比一開始跑要拉得更緊,反而緊緻度比一開始更好,愈著愈Fit腳型,但係一開始因為足弓位比較硬,再加上內側個膠位設計令到記者生水泡,大概跑咗三四次之後先有好轉,建議新鞋落地著一對厚襪或者對依個地方做特別加強保護。

中底硬度仍然同一開始新鞋嘅時候差唔多,值得一贊嘅係中底Cushion有愈跑愈舒服跑嘅感覺,對地面嘅反應無因為Cushion變軟而下降,相反因為厚中底高彈性關係,記者覺得比部鞋時想保持速度會更省力,可惜要衝要加速一刻表現就比較一般啦,作為一對訓練鞋相當勝任,落場比賽鞋可能要長距離街路會比較合適。

參考資料:
NewBalance官網

 

Comments
Loading...