【揀鞋攻略】工欲善其事必先利其器

0

一對跑鞋對跑手嚟講係每個跑途上最親密嘅拍擋,為跑友默默付出,到最後黯然退役,即使最高級嘅跑鞋,下場只有束之高閣,不過舊嘅唔去新嘅唔嚟,作為跑友換鞋一事確實在難以避免,撇開一般長/寬/高度大路野,到底仲有咩特別野先可以揀到個全新嘅最佳拍擋呢?

 

 

 

 

 

 

1.時間:  成日話Timing好重要,揀跑鞋都一樣,腳掌會因應天氣時間有大小變化,朝早因為啱啱瞓醒血液唔會積係腳掌,通常SIZE會細半個碼;同樣地夜晚由於企得坐得耐,血液堆積係腳掌,導致大半個碼嘅情況出現,建議最好就下午4點到6點傍晚時段去揀鞋。

 

2.足弓類型:  足弓類型就好似啱唔啱Channel一樣,人夾人腳夾腳扁平足需要挑選鞋弓比較平坦嘅跑鞋(圖右),正常足弓可以揀鞋弓較高,有微微曲線嘅鞋(圖中),高足弓就需要鞋弓高,曲線較大嘅鞋(圖左)。

3.體重:  體重比較輕嘅跑友有條件可以揀鞋底比薄嘅鞋底,而比較大隻嘅既跑友就要偏向選鞋底較厚嘅鞋,幫助吸收每下衝擊力,減少疲勞性運動創傷,當然跑程時間,路線同跑齡都需耍納入考慮。

 

4.鞋杯:  跑步跑得多腳跟上面條筋都會緊同痛,唔理佢繼續跑隨時演變成亞基里斯肌腱適炎[Achilles tendinitis],依個時候實有朋友話跑姿唔岩先傷,其實可能問題係你揀錯拍擋,揀鞋留意大細適唔適合外,最緊要成個鞋杯位FIT曬腳踠,亞基里斯腱啱啱好係中間位同貼住後跟,咁就唔會再怕跑傷腳啦。

參考資料:

1.NSCA- NSCA’s Essentials of Personal Training, Second Edition

2.Running Shoes Increase Achilles Tendon Load In Walking: An Acoustic Propagation Study.     (Wearing SC1, Reed L, Hooper SL, Bartold S, Smeathers JE, Brauner T. Med Sci Sports Exerc. 2014 Aug;46(8):1604-9. doi: 10.1249/MSS.0000000000000256.)

Comments
Loading...