【揹水一戰】體能訓練班

0

今年揹水一戰除左正賽之外,仲舉辦一系列訓練班,俾一眾參加者喺比賽之前做足準備,當中包括體能,營養,拉筋,跑步,行山技巧等等,而打頭陣嘅就係體能訓練班,1/10日喺荔枝角FAC舉辦,有超過二十多名揹水一戰參加者聚首一堂,一齊為3月18日揹水一戰備戰。

一開始由FAC負責人同參加者講解一下,今日嘅課程內容。

今日訓練班內容主要教一班參加者做熱身拉筋動作,然後就係今日嘅戲肉循環式訓練。

好多參加者落足力做熱身,未開始訓練都已經香汗流浹背,當日外面只有10度低溫,但係大家做完熱身之後,小編覺得氣溫高左好多,大家都好落力啊!

教練主要用循環式訓練大家嘅核心肌群,同強化下肢力量,動作中有唔少要團體合作先可以完成,考體能之餘考埋合拍性!

最後大家都用盡全力訓練,幾乎所有瑜珈墊都充滿大家嘅汗水,相信大家必定有所得著,返到屋企都要做自主訓練,堅持落去,提升體能,一齊為挑戰而行。

參考資料:

揹水一戰官網

RUNRUN記者

Comments
Loading...