【揹水一戰】黃浩聰上樓梯三大絕招

0

▲課程精華片段

喺揹水一戰嘅行山實戰課程中,有一環講到上樓梯有咩辦法可以輕鬆啲,當中理論與實踐並行,為咗方便讀者,我哋編輯部抽出幾項重點,將教練對於上樓梯所教嘅點列出吸,再用文字輔助補充說明:

1.叉腰:

黃浩聰喺課程中所講到,叉腰目的係希望做到腰背挺直,當你叉腰嘅時候胸部會外擴,因為物理性原因能夠令到空氣更容易進入肺部,如果用反手叉腰外擴會更大,腰背挺直會更加明顯。

2.擺手:

利用擺手配合腳部動作,有助於身體前進,而擺手動作同跑步相同,對側手對側腳嘅概念,黃浩聰亦有提到面對比較短及斜嘅路段會加大擺手力度,利用手擺動動能幫助身體向上,原理同盪千秋一樣,不過由於使用時會快速流失體力,所以幾時用同用繼耐,好取決於個人。

3.撳腳:

以前普遍認為撳腳係一個唔係太適合上山及行樓梯嘅方法,原因在於身體過入向前傾,會令肺部擴張空間受壓,減少每次吸氣量,當然手撳腳都有佢嘅好處,可以藉此利用肱三頭肌幫助雙腳伸展,黃浩聰建議衡量過優缺點之後,建議行山時可以交替使用,當呼吸唔暢順時就要避免使用手撳腳依招啦。

 

 

Comments
Loading...