【揹水一戰專訪】Kimmy 由「零運動」OL到愛上越野跑

0

香港人生活忙碌,每日要應付大量工作和交際應酬,就算放咗工,好多人都選擇行街食飯,或者極速番屋企攤抖下、hea下就一日。曾經都是過來人的Kimmy,近年積極參與越野跑,在不同大小的山賽中都可以見到她的身影,今次特別邀請她接受專訪,大談她如何踏上越野跑之路。

 

由「零運動」到愛上越野跑

「其實我2015年之前係零運動的,即使屋企喺運動場隔離,我都冇落過去一次,哈哈!嗰年年頭機緣巧合有位玩一個10公里跑步比賽,跑咗幾次步就落場了,當然跑得好慢啦。之後見可以減下肥就繼續有間中跑下步。」

Kimmy以前係一個典型OL,平時就係過著番工等放工,日日不停loop的生活,如果你話不如放工一齊跑下步放鬆下,嘗試享受下獨處的時間,唔好意思,我相信佢會斷言拒絕你!不過,人生最奇妙之處係往往不知道下一秒會發生什麼,處處都充滿機緣,當你巧合地遇上時,或許它已經牽動了你的人生。

「後來有朋友提到毅行者,於是膽粗粗”入籤”,結果真係好彩抽中。呢次毅行之後我就中意咗越野跑,不斷報比賽玩,同時又認識到好多跑山朋友,一齊上山,就係咁一直玩到而家喇!仲好好彩有少少成績,完全係我意料之外呢!」

就係咁,Kimmy開始了她的越野跑之路,期間她更越戰越勇,除挑戰本地越野賽外,還為自己的越野跑計劃定下不少大Project,例如參加海外世界級的越野賽事,她曾遠征意大利參加 Lavaredo Ultra Trail (LUT),賽事全程120KM、攀升5800m ,是Ultra Trail World Tour賽事之一。事實證明,外表斯文的OL,其實都可以有氣有力!

揹水一戰別具意義

「我同另外3位揹水女神今年參加咗30公里四人女子組別,呢個比賽每人要揹住4.5L水參賽,其實真係唔容易。」

喺香港,乾淨食水可謂隨手可得,我們只需扭開水龍頭就可以得到一杯乾淨的水,然而,世界上有不少人日復日攀山涉水只為一口飲用水。揹水一戰係香港一個別具意義同特色的活動,參加者需如由起點開始背負4.5L水去完成全程賽事(最長42公里),希望讓參加者體驗山區缺水居民日常背水之艱辛,同時提醒大家要珍惜水資源,活動籌到的款項會用作幫助偏遠山區建設淨水設施,解決當地居民缺水及食水衛生問題。

體會團隊精神的重要

「隊制可以互相支持打氣,一齊克服困難到終點。雖然我地四個第一次組隊,但都有了解到各人既長短處,互相帶pacing,互相鼓勵,例如在引水道時會一齊”頂埋佢”,冇停低行,我唸如果自己一個一定唔會跑哂呢!結果係其次,最緊要盡左力無悔,同埋玩得開心。2019年我地會繼續一齊參加呢個咁有意義既活動!」

玩山賽越野跑,路程上上落落,隊友間如果賽前了解不足,其中一個”被”爆偈都唔出奇,因此越野跑是最能體現團隊精神的重要,越野達人鷹鷹亦曾經將團隊比喻為西遊記中孫悟空等人物,說明各人必有長短,除互相了解和鼓勵外,目標一致都非常重要。

 

延伸閱讀:

【揹水一戰專訪】聰嫂:「他們是我的動力來源!」

【RUNRUN專訪】揹水一戰大滿貫 – 梁影雪

 

Comments
Loading...