【淺談越野】關於越野跑嘅十件事!!

0

古語有云欺山莫欺水 ,可見山嘅危險度比水為低,由古至今依然廣泛流傳,而且偏偏有一班人,有平馬路唔跑選擇跑山路,為嘅可能喺多一份刺激感,呼吸新鮮空氣逃離繁囂,順便欣賞沿途壯麗景色,如果你都想體驗越野跑( Trail Run) 一定要知道依十件事!!

1.知道自身體能及身體質素

   了解自己體能水平,一切量力而為,有需要嘅話先諮詢家庭醫生意見,唔舒服唔好死頂。

2.做足功課,準備好補給點同路線圖

   一早準備好所有資料,衡量路線啱唔啱自己先再決定。

3.寫低所有有用資料,萬無一失

   荒山野嶺分分鐘電話收唔到,做好Notes帶埋地圖就無有怕啦~

4.帶比你預計更多嘅水

   有時天氣好難預計,一落雨,行程需時就大增,人體只要缺水1%就會口渴, 6%以上會引發嚴重併發症。

5.用時間作為預計行程主軸,絕對唔好用里程

   行山有上有落,里程短唔等於容易,同理里程長唔等於難,不過時間就可以控制幾多幾少都有個預算,夠鐘就準      備落山。

6.揀合適合自己鍾意嘅裝備

   好嘅裝備不但可以保護自己,而且心理上都有自信好多,跑都跑得開心啲

7.唔好偏離預計路線

   無論幾多人一齊跑山都要同身邊屋企人交待好,唔好臨時偏離預計路線,有咩事都有人知道。

8.學識跌底嘅技術

   跑平路好小機會跌底,跑山技術要求唔同,要先學好跌底,萬一差錯腳都知點做。

9.搵埋親朋好友一齊去

   一班朋友去可以互相幫助仲安全好多。

10.一開始取易不取難,一步一步升級

   經驗比較少嘅跑友對跑山無咩概念,慢慢吸收經驗再一步步Up Grade。

 

Comments
Loading...