【渣馬全攻略】唔想比人DNF一定要做依好幾樣野!!!(全馬)

0

全馬喺成個渣馬最長最辛苦嘅路程,全馬含有大量坐巴士嘅危機,一個唔小心抽筋,或者不幸撞牆,就好容易會上巴士去終點,不過相信參加得全馬一定會做足訓練,訓練量充足只係基本野,能唔能夠挑戰成功,最需要嘅仍然喺當日狀態,想順利完成唔會比人DNF,比賽前最好做足以下幾點啦!

1.保持自己配速

期待咗咁耐,終於要落場比賽心情一定相當興奮,一起步人人都大把力衝當然無咩問題啦,不過自己知自己事,要了解自己能力,確保到最後都有力可以堅持落去,唔好人衝你衝,保持自己預期配速就得。

2.私家補給

雖然路上補給站好多,基本上唔需要擔心無得食,反而要擔心適唔適合食,路上補給站多數喺香蕉同運動飲品為主,而依啲食物未必能夠快速補充所需能量,帶定三兩包適合自己嘅Gel方為上策。

3.適當補水

比賽過程中會流失大量水份,如果當日天氣比較凍,身體會無咁口渴,但係千祺唔好等到口渴先飲水,因為有口渴感覺,代表身體已經流先1-2%水份,當缺水情況問題出現,有機會引發抽筋等問題,最後就只有坐巴士啦~

4.輕便排汗衣著

早上氣溫相信都會偏低,喺寄行李之前可以先做好熱身,等身體升溫穩定,外套連行李一齊寄,如果當日溫度太低,可以著打底緊身衫褲保暖同時排汗,成個著衫策略以唔會跑到一半過熱為目的,計錯咗可能想除都無機會。

5.帶定雨褸

過往都有試過跑跑下落雨,雨中跑步加上寒冷天氣,身體需要用大量能量保持體溫,持續落去可能會出現低溫症,最後就只有退賽一路。

 

Comments
Loading...