【渣馬全攻略】唔想比人DNF一定要做依好幾樣野!!!(半馬篇)

0

半馬睇落無全馬咁多跑咁耐,不過根據運動科學所講,如果你想要挑戰極限,其實半馬平均心跳率會比全馬高,理所當然,配速同完成時間都會比較快,所以有人話全馬喺玩耐力,半馬講求心肺輸出能力同肌力,甚至乎半馬會比全馬辛苦,雖然半馬要求比較寬鬆,不過被DNF機率都唔低嫁。

1.保持自己配速

一起步有人跑全馬有人跑半馬,加上唔喺每個人速度都一樣,體能狀態都唔同,一開始就跟其他人配速,好容易臨尾無曬力。

2.私家補給

雖然路上補給站好多,基本上唔需要擔心無得食,反而要擔心適唔適合食,路上補給站多數喺香蕉同運動飲品為主,而依啲食物未必能夠快速補充所需,帶定三兩包適合自己嘅Gel方為上策。

3.食定早餐

半馬所用時間比較短,路上食物多數喺低GI補給,加上半馬平均心率需求高,即喺表示使用肝醣會比全馬多,早一兩個鐘食定早餐,可以令身體好好吸引糖份,確保比賽途中依然有充足能源供應。

4.做足熱身

半馬路程相對比較短,一開始做定熱身可以隕預防受傷,而且你會更放膽跑,一般建議賽前熱身目標喺提高身體體溫同關節活動度,動作以下肢動態伸展為主,配合一啲上身擺手動作,就可以大大降低受傷而DNF嘅風險。

5.帶定雨褸

過往都有試過跑跑下落雨,雨中跑步加上寒冷天氣,身體需要用大量能量保持體溫,持續落去可能會出現低溫症,最後就只有退賽一路。

 

Comments
Loading...