【蝦叔X蝦嫂】跑男跑女點送禮?

0

【蝦叔】

聽過不少女性抱怨:「買野畀男人真係好煩!」

煩在甚麼呢?她們覺得「男人嘢」是永遠無法認識的領域。她只是知道她的男人喜歡足球、音響、紅酒、汽車……但天呀,該買甚麼好呢?胡亂去買,拿出禮物一刻,一旦男人強忍著笑說「多謝」,自己頓時變成白痴一樣,你說有多尷尬?

例如她只知道另一半喜歡跑步,卻不知道她的男人是個10K 40分內的高手,跑鞋非薄底不歡。結果她胡亂聽信運動用品店員的建議,買了對貴貴的厚底款跑鞋。對方收到這樣的禮物,確是會不知如何面對。

要在男人的興趣範圍內成功買到他心儀的東西,頗有難度,但也不是完全沒有辦法。男人,總會漏口風的,問題在於你是否能攫取那一剎那的片言隻語。

年頭我生日,竟然收到了一部任天堂Switch,原來是因為有一次我和蝦嫂路過黃金商場,我不經意地(良心保証真的是不經意)說了一句:「呢部新野黎,幾過癮架。」

其實禮物是否合意,坦白說,或多或少也象徵著你對伴侶有多留意。面對不同的人要送出恰當的禮物,絕對是一門結合觀察力、把握力、表達能力的藝術。

現在距離聖誕不足一月,尚有點時間,好好想想你的伴侶需要甚麼吧,預祝各位有個快樂聖誕。

 

【蝦嫂】

就快到聖誕,又係送聖誕禮物的時候。每逢呢個時候,我就諗起蝦叔曾經送過份好正既禮物畀我。

係乜野?各位觀眾——美國著名雜誌《Runner’s World》的Calendar和log book一本。

雖然我係鍾意跑步,但唔代表鍾意到想聖誕禮物收埋晒啲咁既野。呢個世界不離trial and error,唔衰過係唔會成長。好彩,經過呢次之後,蝦叔算係有啲進步,至少喺送禮物方面冇再畀類似的驚喜我。

大家可能都準備緊送聖誕禮物,如果想送野畀跑步女生,應該送咩好?

其實好簡單,穩穩陣陣,跑鞋、跑衫、跑錶都係好好既選擇(點都好過買咩log book啦係咪)?當然,麻煩各位事前需要知清楚對方尺碼。

有人這樣形容跑步訓練:「沒有最好的,只有最適合的。」這句話,用於送禮亦無不可。送禮其實是兩人關係的一場小測,一次失敗了,下次做好一點就是。就像蝦叔,雖然送的禮物未必次次合意,但至少他再不敢再送log book級數的禮物了。

 

 

Comments
Loading...