【行山冷知識】香港山野森林家族大檢閱~

0

 

日前有兩名行山人士喺吊手岩附近報警聲稱發現老虎,警方大為緊張,接報後立刻上山搜索,最後一無所獲,最後根據目擊者口供及比對照片後,警方認為佢哋誤認一種名為「豹貓」的動物為老虎,亦隨即收隊,吊手岩老虎事件隨之告一段落。

香港其實喺一百年前確實有老虎棲息,1915年就曾經喺上水發現虎蹤,追捕期間更造成兩名警員殉職,老虎最終被擊斃,及後虎頭被制作成標本,現時擺放喺山頂警隊博物館,今次吊手岩老虎事件反映出一般市民對山野動物缺乏認識,而香港老虎相信已經全數移民外地,咁現時仲有邊啲森林家族定居香港呢?

東亞豪豬

為現時香港數目最多中型至大型哺乳動物之一,豪豬在香港別稱為「箭豬」,正正取其外表充滿硬棘毛,尤如一支支箭插在身上,全身以棕至深棕色為主,身體前端偏佈短棘毛,後段則是長棘毛。

漁農自然護理署

赤麂

一種小型鹿,毛色較為偏紅,只有雄性赤麂會喺頭部長出鹿角,赤麂屬於獨居動物,因為香港晚間比較適合佢哋出沒,逐漸演變成夜間出沒動物,佢哋最特別係遇到危險會發出吠叫聲音退敵。

豹貓

猫科類動物,學名為石虎,平時通常晚間時份出沒,以小型動物作為主要食物,佢哋嘅毛色會因為生長環境而有所不同,於南方地區主要為黃色,身上有黑色斑點,棲色地十分廣泛,通常獨身出現。

歐亞水獺

主要出現於亞洲同歐洲嘅一種水獺,同北美水獺唔同嘅地方係佢哋頭部比較短,面部比較寬闊,一般食魚、青蛙、昆蟲等等,佢哋習慣自己一個生活,棲息地會喺河流及樹洞。

食蟹獴

因為以蟹作為主要食物所以取名為食蟹獴,除咗食蟹之外,魚、青蛙、昆蟲都會進食,佢哋會係家族性群居生活,最常定居於水邊,濕地,沿海地區,由於要經常游水,指間生長出半蹼,同時善於潛水游泳。

香港獼猴

相信大家都對佢好熟悉,佢哋係由獼猴及長尾獼猴雜交而成,目前香港大約有二千隻左右,因為經常被人餵飼,已經不會懼怕人類,更有可能主動攻擊人類從中獲得食物,而且屬於群居生活,係一種相當危機野生動物。

參考資料:

漁農自然護理處

維基百科

蘋果日報

 

Comments
Loading...