【裝備評測】Paul Sir 親身測試意大利新運動功能服裝品牌 i-eXe

0

新品牌測試:男裝黑色短袖T-Shirt Monica Corta Near

今次測試呢件來自意大利名牌 i-exe 的T-Shirt, 全件出自意大利的名設計師,100% Made in Italy! 睇返 www.i-exe.it 官網,全意大利文,英中文欠奉。

昨天就著住佢上山試試,三十幾度著住呢件野上山—唔係吖,熱L死咩,冇法喇,鬼叫你要做測試吖。昨天行麥一二,由北潭涌出發,好在起步時有些少微風,Barry Sir 教落:輕鬆慢步起行,前半段慢後半段快。雖有風,但馬路上的熱氣蒸發上來一點也不客氣,行左30分鐘,唔洗講梗係汗流夾背,但呢件Tee幫到我, 佢有三D 設計,容易解決汗水,呢個設計令到汗水會自動走向衣服的外層面,除了排汗更快,亦令到衣服的外層加上一層薄膜的水份,甘啱西貢萬宜路的清風吹到來,有點似冷氣效果作用,成個人涼浸浸。

關於3D 結構

3D 結構必須在衣服的編織時做出來的,紗線粗幼和長度的控制每一步的編織都需要計算精準,再結合不同的紋理做出一些不同的效果。在運動時身體每個部位付出的力量都不一樣,有些部位會發出強而有力的表現,有些部位會停止或不動地等待。3D會更有效地支援或構建有需要的肌肉或骨骼。

 

無縫設計

無縫有咩好? 無縫可以令到運動員在長時間的操作減少磨擦,更舒適地運作,對一些長跑,三鐵的運動效果更顯著,更無後顧之憂,我著左都覺得好舒服。

男性的肩部肌肉(shoulder muscles) 上臂(upper arm) 胸部(pectoral area) 相對女性比較發達,在運動時為了更好表現會更加用力,亦係上身最多移動的部位,番意番此衫在以上位置的紋理和結構,它有一種科技叫「Dynamic Taping Effect」此技術可以在人體表面有輕微按摩作用的效果。并可以在運動期間或之後預防肌肉發炎,減少乳酸積聚。

 

衣服對人體溫度的控制

由於此服裝在結構中採用的創新技術(主要使用Polyethylene) , 能夠保證身體在微氣候的溫度調節,事實上空氣經過微纖維可產生調溫對流層,為了保持身體在冬季寒冷和夏季炎熱的理想環境中更有利於運動表現。難怪著左成日都唔覺得熱。真係畀佢外表欺騙左,我成日都畀一些外表欺騙,今次真係要學精吖。

 

科技銀

昨天行走12小時,中間仲落左場雨,理應件衫應該好臭,但回到家,家內的小狗沒有狂嗅,自己都唔覺自己有味,好似剛剛著左新衫一樣,甘神奇,咩野料吖? haha  銀離子吖。

今次講住甘多先,下次再講埋條褲,下次亦會講埋I-exe 的其他科技。

Comments
Loading...