【賽事回顧】Spartan Race 斯巴達障礙賽2017 香港站

0

Spartan Race 斯巴達障礙賽2017 香港站喺上週六(06/11)元朗錦田舉行,吸引咗好多大勇士小勇士一齊接受挑戰,我哋編輯部都有去到現場觀戰。

比賽今年喺第二次舉辦,同去年一樣,各路勇士再一次匯聚錦田賽場,準備以最快嘅速度完成重重障礙,睇到障礙物嘅難度,可以講每一個跨過終點嘅參加者都喺真正嘅斯巴達勇士。

比賽分成個人賽,團體賽,兒童組,當中路線分為超級賽,衝刺賽,兒童賽三條路,長度難度各有不同,勇士可以依照自己喜好參加最有信心嘅路線,而且仲可以組隊集結身邊各個好友勇士一齊爭獲最強勇士團隊榮譽。

斯巴達障礙賽喺25個國家都舉辦過,參加人數已經超過800萬位,第一次斯巴達障礙賽於2010年舉辦,自此比賽不斷成長,每次舉辦都會吸引大量人士參加。而斯巴達障礙賽最大特色在於挑戰度極高嘅障礙設計,雖然香港賽只有比較經典障礙物,但喺外國就有唔少極具特色嘅障礙,而且仲有更豐富嘅情景設計,希望未來都有機會引入香港啦。

(特別感謝ocram_sheep_daily相片提供)

 

Comments
Loading...