一年一度嘅渣打馬拉松又嚟啦！
全城嘅盛事2018渣打馬拉松係明天8月16日上午10點開始接受報名啦！
今年大會繼續沿用2017年嘅主題：一起，我們跑更遠，比賽將會係2018年1月21日舉行，各位跑手依然有時間努力去練跑！
渣打香港馬拉松2018報名詳情
開始日期：8月16日 (星期三) 上午10點
截止日期：9月6日 (星期三) 下午7點
報名指引：
今年賽事會繼續以公眾抽籤方式報名，公眾可以係網上登記報名，填妥其個人資料、聯絡資料、緊急聯絡人資料同完成時間/ 預計完成時間等大會跟進。抽籤後，大會就會幫參賽者安排起步時間同組別。而參賽者係報名嘅時侯所填報嘅預計完成時間就係分紅嘅參考資料。
記得每個參加者都只可以登記一次。如果重覆報名，大會就會取消參賽資格，亦唔會退還已繳付嘅報名費，仲會取消其領取跑手包之權利。
有興趣報名嘅朋友可以留意渣打香港馬拉松2018依個Facebook Page，掌握最新資訊。