【跑步生活】十個估佢唔到嘅跑步Fun Fact

0

大家跑步好大原因都係想身體健康,操fit個Body。但其實跑步仲有好多好處!睇完以下十個Fun Fact未必會令你跑得更快,但一定會令你想即刻去跑步,大家一齊嚟睇下侬十個你估佢唔到嘅跑步Fun Fact。

 

  1. 跑步助你變身男神女神!美國阿肯色大學邀請了408位男女參與研究,發現原來跑步令人變得更有魅力!研究顯示,80%有跑步習憤的男士和60%有跑步習慣的女士比起沒有運動習慣的人更加吸引異性!
  2. 跑步除咗令我哋身體強壯之外,更會令我哋工作表現更好!美國羅德島學院嘅研究指出,跑步有助我哋平時工作嘅生產力增加之外,更會令我哋更加有創意添!

  3. 跑得多反而會易病?跑步雖然可以令人更健康同強壯,但跑得太多反而會弄巧反拙!原來一星期平均跑多於80公里嘅跑手比起平常人患上傷風感冒嘅風險高出兩倍!而每星期跑大概20-30公里嘅跑手就會有更強嘅抵抗力,患上感冒嘅機會都低啲!

  4. 常規的練跑可以改善骨骼健康!美國密芝根大學的研究發現,一星期練跑三次,每次跑12-20分鐘能有助增加骨礦密度,減低患上骨質疏鬆症的風險。

  5. 每一小時的長跑過去,就有七小時的生命延長!Cardiovascular Diseases發表一篇研究心血管疾病與運動的論文,指出跑步可以延長生命。研究報告指出,熱愛跑步的人死亡風險會降低25-40%,比不常運動的人壽命多了大約三年的時間。
  6. 原來唔只打牌要旺,跑步都要旺!英國杜倫大學研究發現比賽着紅色衫跑步都會旺啲,增加獲勝機會。原來紅色象徵優勢,仲會激發體內激素同潛能,令人跑出超水準。 
  7. 原來係長跑前一個鐘飲水,會令人跑跑下想去洗手間小解!如果係跑緊長跑比賽嘅話,你巳經損失咗寶貴嘅時間一來一回去廁所啦!如果要跑步前想飲水,就係開跑前五分鐘飲大概4-8安士嘅水,咁樣除咗可以解渴之外,仲可以防止開跑後跑跑下想去廁所嘅煩惱添!
  8. 平嘢都有好嘢!瑞士伯爾尼大學研究咗4358個跑手,發現原來跑步時着住貴過美金$95(大概港幣$800)嘅跑鞋,比起着住價值美金$40 (大概港幣$350)跑鞋, 受傷風險高出一倍!研究更 指出加咗氣墊嘅跑鞋雖然賣得貴啲,但卻更容易令跑手受傷!
     
  9. 各位熱愛跑步的新手媽媽注意!練跑之後母乳味道會變酸,難怪寶寶唔肯飲啦!原來劇烈運動會令到人體釋出乳酸,乳酸會被母乳吸收,令母乳味道變酸!所以各位媽媽記得餵飽寶寶先好去練跑啦。 
  10. 問吓大家,世界上無咗邊樣食物,會令你都唔想做人?訪問發現大部份跑手都回答咗香蕉!原來我哋跑步時會消耗體內鉀,而香蕉就含有豐富鉀,仲有維他命B6同鎂,係跑手最好嘅補品啊!
Comments
Loading...