【跑步冷知識】跑步歷史中不為人知嘅事!

0

現今長跑界好多理所當然嘅嘢,例如比賽一定有豐富補給,跑得最快跑嘅手會有鉅額獎金等,原來睇返上兩個世紀嘅跑壇,可能會同我哋想像中有好大出入,有唔少奇怪現象係因為社會價值觀及對運動科學嘅誤解所至,搞到當時跑壇有好多令人百思不得奇解嘅規矩出現。

1.女性禁止參與跑步比賽

以前社會上男女未有現今平等,女性想要參加體育賽事係相當困難嘅,不過隨著社會愈嚟愈開放,女性參賽權亦逐步開放,不過當中產生左唔少奇怪賽制,例如女姓選手每次都唔能夠跑超過1.5英哩,因為當時嘅人認為女性跑得太長距離,會造成不育問題,用現今科學角度去睇當然會覺得匪夷所思,但再陰謀論啲去睇,可能只係男性阻止女性參賽的一個藉口。

2.著大衣●跑快啲?

一條舒服合適嘅短褲對每一個跑手嚟講都好重要,不過係80年代嘅時候,跑手需要著一條及膝嘅跑褲參賽,因為當時體育協會認為穿著不及膝短褲跑步有礙觀感,所以你可能會睇過一啲影片係著大衣跑步,就係咁嘅原因。

3.飲水影響表現

喺1960年代嘅時候,有科學家認為飲水會導致運動員表現下降,相反,如果有食牛排嘅運動員會跑得快啲.當然站喺現今科學角度上,人體如果係缺水情況下運動,表現會大打折扣,仲有可能因此令嚴重併發症出現。

4.紳士運動唔講錢

早喺1970年前,比賽跑第一名都唔會有豐厚嘅獎金,因為當時嘅社會價值觀認為長跑係紳士運動,大家參賽係講求運動家精神,技術上嘅交流,如果當中含有金錢,會令競賽意義變質。

5.著釘鞋長跑?

以前嘅釘鞋係用真釘造嘅,不過釘嘅長短大小不一,造成嘅運動表現無想像中咁好,直到Puma研發出刷釘釘鞋,最終形成現今所見到嘅釘鞋雛形,直到今時今日,國際田徑協會(IAAF) 仍然對釘鞋有一定規定,用真釘跑鞋上場已經被禁止啦!

6.禁止運動員喺高原生活

高原訓練法有好多耐力型運動員都會喺休賽期進行,早在2006年之前,運動界一直都禁止運動員進行高原訓練法或者生活喺高原上,普遍認為利用依個方法獲得生理上嘅運動優勢,基本上同服食禁藥無疑,直到World Anti-Doping Agency (WADA)國際反禁藥協會沒有將高原訓練法納入禁止名單後,高原訓練法隨即能夠光明正咁大使用,原因在於依一種訓練法並無想像中咁有效,落返山大概一至兩星期之後效果就會漸漸消散,亦唔會即時大幅提升運動表現.

參考資料/來源:
Runnersworld
World Anti-Doping Agency
International Association of Athletics Federations (IAAF)

Comments
Loading...