【跑步冷知識】食素一樣可以跑出好成績??

lady springing fast by the beach side during storm
0

傳統運動營養學話比我哋知,有恆常參與運動嘅人士同運動員,最好喺飲食中攝取完全蛋白質,即喺由動物食物來源中吸引蛋白質,特別對於耐力型運動員,佢哋運動嘅時候因為維持時間長,或多或少會分解肌肉強強白作為能源來源之一,如果長期進行高強度長時間耐力運動之後,運動營養學專家都會建議,補充每公斤0.8-1.2克完全蛋白質,防止肌肉因為長期訓練流先,造成運動表現下降,另外唔少維生素對於運動表現都有一定程度影響,講到依度到底食素會唔會影響運動表現呢?

世界上素食嘅方式有好多種,主要分為全素及半素,而全素主義人士,喺會避免進食所有動物製成食品,吸收蛋白質來源主要來自於大豆類食物,而維生素就需要進食多元化蔬菜,身體先可以吸收必需維生素,運動員更可能有某幾種維生素,需要透過維生素補充品先能夠攝取足夠份量,當中B12就喺其中一種,B12會影響製造血紅蛋白速度,吸收不足確實會對耐力運動表現有間接影響。

上述所講都喺素食運動員有機會面對嘅問題,科學上會唔會真喺影響運動表現?

科學界對於素食會唔會影響運動表現,到目前嚟講依然未有太大共識,不過普遍都認為素食唔會影響運動表現,原因在於身體喺吸收營養素之前,都會分解成簡單營養物質,當中蛋白質會分解成多種氨基酸,碳水化合物分解成肝醣,當素食運動員喺運動之後進食返,足夠補充運動時及運動後恢復營養素,對於運動表現並無影響,反映出即使極高運動量同競賽強度,食素運動員同一般運動員都可以有相同運動表現。

事實上亦有好多食素嘅運動員,喺所屬項目站上頂峰,例如網球界前世界一哥祖高域,香港著名桌球運動員傅家俊,美國超馬跑手Scott Jurek 都喺代表人物,相信聽到食素,好多人都會誤解咗會唔會令到身體手軟腳軟,比賽等於讓人半臂,其實一切都可能喺自己諗多咗,食素一樣可以有頂尖運動表現。

參考資料:

Why Eating Vegan Can Make You a Better Runner
Diet and athletic performance
Nutritional considerations for vegetarian athletes
Physical fitness and vegetarian diets: is there a relation?

 

Comments
Loading...