【跑步急症室】 粉血色尿尿-運動後血尿

0

早前有同大家講過點樣去測試運動時有冇缺水嘅情況,尿液顏色及味道好大程度上反映出身體當時嘅狀況,就如之前所講尿液顏色深褐表示身體正在缺水,目的需要好好補回水份,而且下次運動前預先計劃補水策略,不過,如果有一日你發現運動後尿液出現微微粉紅色,千祺唔好慌張住,可以先了解一下造成運動後血尿原因,先再決定下一步行動。

運動後出現血尿並唔罕見,主要出現於長距離、劇烈運動、需要產生極大力量的運動,成因相當簡單,就是喺運動過程中因為碰撞或拉扯令膀胱內壁損傷,血液就會滲入尿液當中,排尿時就會出現淡淡紅色,通常運動後血尿會喺72小時消失,其後尿液顏色會回復正常(淡黃色),但喺如果血尿仍然持續,可能喺由其他疫病所引致,依個情況下最好直接尋求專業醫療意見,以察安全。

運動後血尿事先喺毫無徵兆嘅,不過運動類型或多或少與運動後血尿有相關,有研究指出1000米跑步運動員有比較大機率出現血尿,另外有身體接觸及屬於衝撞類型運動,如果出現運動後血尿就必需要特別小心,因為可能喺運動過程中碰撞嘅衝擊力令排尿系統器官破裂受損,處理不善有機會因此引發出其他嚴重併發症,例如器官受細菌感染,後果不堪設想。

想要預防運動後血尿方法相當容易,只要運動過程中好好注意水份補充,確保身體水份含量充足,尿液濃度合適,而且基於運動後血尿嘅成因多數為膀胱拉扯碰撞所致,運動時避免膀胱完全清空,有助防止膀胱過度拉扯,同時膀胱內含有尿液的話,可以吸收外在衝擊力,當進行含有碰撞成份嘅運動時,最好配戴保護裝備,減低衝擊力對身體造成影響。

出現血尿情況情況其實可大可小,喺睇完上面對運動後血尿嘅描述後,相信你已經對運動後血尿有一定認識,如果血尿問題持續或對血尿情況有疑慮,應該直接咨詢專業人士意見,再進一步了解問題。

參考資料:

Sportsmedtoday.com

Exercise-Induced Urinary Abnormalities in Long-Distance Runners P. Gilli, E. De Paoli Vitali, G. Tataranni, A. Farinelli

Sports hematuria(Abarbanel J1, Benet AE, Lask D, Kimche D. J Urol. 1990May;143(5):887-90)

Medical Conditions in the Athlete 3rd Edition

NSCA-Essentials of Strength Training and Conditioning 4th Edition.

NSCA-Essentials of Personal Training, 2nd Edition

Comments
Loading...