【跑步急症室外傳】唔同品牌運動肌內效貼布有咩分別?

0

選擇合適自己嘅運動貼布喺一門大學問。一般嚟講運動貼布彈性同延展度與功能有關,而厚度及硬度就比較與舒適度同使用時間有關,每一個品牌都有主打嘅特色,就好似揀一對跑鞋咁,鞋底厚薄硬度,鞋面柔軟度,耐唔耐用,每個人需求都唔同,雖然貼布喺消耗品,但喺一卷都唔平嫁,所以今次小編搵嚟兩隻市場上較為熱門嘅運動貼布,評測兩者分別,希望幫到大家選擇適合自己嘅運動貼布。

兩款產品分別來自日本同美國,同樣主打運動市場,Rocktape主要流行於美國,多項種美國熱門運動都有贊助運動員,另一品牌喺日本普遍使用,而兩者有咩唔同呢?

1.厚度:

兩者喺厚度上面無太大差異,不過Rocktape喺觸感上比較「硬淨」,布面纖維比較密,而日本肌內效貼布觸感較「軟熟」,使用布料相對稀疏,厚度上兩者分別唔大。

2.膠水黏度:

Rocktape膠水黏上手存在感較大,未溶化之前兩者黏度差唔多,如果就膠水紋線條上,Rocktape線條比日本肌內效貼布粗,如果鍾意存在感高嘅可以選擇Rocktape。

3.防潑水能力:

兩者喺防潑水能力上同樣相若,不過Rocktape對於大粒啲嘅水洙,有輕微吸收情況,如果要使用Rocktape同時要求防水能力,可以選擇同品牌嘅H2O系列。

4.延展度:

延展度同使用後關節可動度度有一定關係,而Rocktape同日本肌內效貼布比較,Rocktape由20厘米最大延展到30厘米,日本肌內效貼布由20厘米延展到26厘米,兩者頭尾都保留5厘米非張力黏貼區,實際延展區域為10厘米。

5.彈性:

Rocktape布料比較堅硬,如果只作單純力扯嚟講彈性比較高;日本肌內效貼布布料柔軟比較細力就可以拉開。

6.回彈性:

兩個品牌喺做完延展度測驗之後,中間10厘米喺最大張力之下放置咗一小時,撕落嚟之後,Rocktape彈性同硬度未有太大差別。

7.款色選擇:

款色上日本肌內效貼布目前只有50mm x 5m尺吋,一般版以單色為主,而Rocktape有50mm x 5m尺吋,另外推出10cm x 5m加闊版及加強防水版H2O系列,圖案亦相對多元化。

Comments
Loading...