【跑步急診室】脛骨腔室症侯群

0

曾經有一項研究針對頂尖馬拉松選手作出調查,當中有145位一年內有出現過傷患問題,其中發病率最高為小腿,有高達19.1%選手受過小腿問題困擾過,而小腿會出現的問題不外乎之前有撰文介紹過的脛前肌疼痛、疲勞性骨折和慢性小腿腔室症侯群,進行跑步運動最容易患上脛前肌疼痛,緊隨其後就會係慢性小腿腔室症侯群。

慢性小腿腔室症侯群有前後之分,前傾腔室症侯群最主要出現於小腿脛前肌中段位置,後傾腔室症侯群最常出現於中段至腳跟位置(阿基里斯腱),唔少人好容易會誤會咗前傾腔室症侯群為脛前肌疼痛,同樣地,後傾腔室症侯群會被誤會為阿基里斯腱炎,不過其實兩者不論症狀,抑或成因都截然不同。

先講成因,腔室症侯群取其名腔室原因其實同空間有關,小腿中包含大大小小肌肉,而每人條肌肉都由肌膜包覆住,用嚟防止肌肉同肌肉,因為收縮而互相磨擦,同時保持肌肉獨立活動性,唔會受旁邊肌肉所影響,腔室症侯群就正正因為肌肉發炎,發炎物質及組織液會困喺肌膜之間,如果依啲液不斷堆積喺肌膜內。

一開始會壓迫肌肉做成肌肉疼痛,出現麻木麻痺,肌肉無力,活動度下降等問題,再嚴重會因為壓迫血管同神經,令肢體組織缺血,最後演變成軟組織壞死問題,不過一般運動性腔室症侯群喺停止運動休息後,都症狀都可能慢慢消退,如果停止運動後,症狀亦然惡化,請必須尋求緊急醫療協助。

要預防腔室症侯群,最重要喺運動前後進行充足熱身同收操,運動訓練之前可以進行動態伸展,為肌肉提升溫度同增加血流量,防止運動過程中,肌肉運動變得過度繃緊;運動後進行靜態伸展放鬆返繃緊嘅肌肉,同時亦可以用按摩及冷熱敷方式,幫助身體消除發炎物質,減輕症狀所帶嚟嘅不適感。

資料來源:

Sportsinjuryclinic

運動性小腿肌腔室症候群

Medical Conditions in the Athlete 3rd Edition

Comments
Loading...