【跑步急診室外傳】用運動貼布解決阿基里斯肌腱炎!!

0

2008年北京奧運110米欄中國選手劉翔,因為長期阿基里斯肌腱炎喺賽場上飲恨退賽,無緣問鼎第二次奧運冠軍,而阿基里斯肌腱炎不只有對於短跑運動員,長跑運動員患上機會亦唔低,因為著地一刻,組成阿基里斯肌腱嘅肌肉都會參與到緩衝工作,因為係進行減速動作,阿基里斯肌腱會處於被肌肉拉扯嘅高張力情況,當著地一刻更加會因為體重及衝擊力,再進一步拉長。

以頂尖跑手一分鐘180踏頻嚟講,一場馬拉松單腳進行著地動作高達12000次,形成慢性阿基里斯肌腱炎相當高,即使喺一般人,突然加大訓練量同訓練強度,患上阿基里斯肌腱炎亦不無可能,咁如果不幸遇上會出現咩症狀,同埋要點樣用運動貼布幫助我哋呢?

 

成因:

引致阿基里斯肌腱炎的成因有二種,第一種為過度疲勞及受傷過成,第二種為骨刺或肌腱陷入點脫落,而兩者症狀都有反不同,就長跑運動員嚟講非陷入式最常見。

  1. 非陷入式阿基里斯肌腱炎:耐力型最常出現依種肌腱炎,原因喺上面有提及過,而非陷入式阿基里斯肌腱炎,因為病理原因,使用運動貼布會喺一個唔錯嘅選擇。
  2. 陷入式阿基里斯肌腱炎:短跑同需要起跳再著地嘅運動員發病率較高,不過因為成因多數為骨頭增生或者與骨頭脫落有關,所以使用運動貼布可能就用途不大。

症狀:

  1. 非陷入式阿基里斯肌腱炎:最明顯肌腱腹出現紅腫熱痛,小腿無力,進行掌曲動作會出現疼痛。
  2. 陷入式阿基里斯肌腱炎:症狀明顯有別於非陷入式,腳跟後方會有明顯突起硬物,進行動作時,會有骨頭磨擦感覺,同樣會有紅腫熱痛,無力等問題。

貼紮方法:

a.先準備一條Y字形及X字形運動貼布,Y字形開叉位位於腓腸肌下方,以腳跟作為錨點往大腿方向施加50-80%張力。

b.X字形運動貼布貼於痛點上,施力為100%,旁邊四爪分別拉50%張力。

特別鳴謝RockTape耗材提供

參考資料:

Medical Conditions in the Athlete 3rd Edition

運動傷害與肌內效貼布

Clinical Therapeutic Applications of The Kinesio Taping Method(by  Dr.Kenzo Kase  , Jim Wallis , Tsuyoshi Kase)

A Practical Guide To Kinesiology Taping(by John Gibbons)

Comments
Loading...