【跑步急診室外傳】用運動貼布解決髂脛束摩擦症候群(ITBS)!!?

0

髂脛束摩擦症候群(ITBS)相信每一個跑友都會聽過,而事實上ITBS喺跑界並唔罕見,好多人都會聽過有人臨比賽之前都會加大訓練量,突然因為膝部外側疼痛嘅無法上場比賽,由於ITBS發病原因嘅關係,治療過程十分漫長,加上需要患者配合放鬆特定肌群,令ITBS變得難以完全治療,更有跑者惡夢之稱,使用運動肌肉貼布或多或少都可以幫助ITBS。

成因:

ITBS主要因為一條名為髂脛束嘅筋膜過緊或者發炎所致,不過ITBS過緊可能並唔喺唯一導致ITBS嘅原因,其實周邊大小肌肉問題都有機會引發ITBS,另外可能就喺同身體結構有關。

  1. 髂脛束過緊:最經常出現ITBS嘅原因就喺髂脛束過緊,筋膜摩擦到周邊組織而發炎,亦有機會因為張力過大拉扯到肌腱陷入點。
  2. 周邊肌肉問題:如果一個人臀部肌肉無力,會導致骨盆位置不正或者髂脛束需要額外令出力量,補償其他肌肉力量不足問題,長期會令髂脛束過度使用,而發生炎症問題,當中臀大肌無力最有可能直接引發ITBS。
  3. 身體結構:扁平足,長短腳同O形腳都有機會導致ITBS,因為身體下肢結構問題會令ITBS長期喺一個不正確情況下施力,長期會因為施力不當及施力角度錯誤,令髂脛束磨擦股骨導致ITBS。

 

徵狀:

1.疼痛發生喺外側膝蓋上半部。

2.小腿無力,走路唔平衡,發力時會疼痛。

3.拉扯到大腿外側肌肉時,會引發外側膝蓋上半部疼痛。

貼紮方法:

a.先準備一條I字形及Y字形運動貼布,I字形由脛骨外側作為錨點(脛骨粗隆),向髖關節(大轉子)拉張力大概為80%。

b.使用另一條Y字形運動貼布以痛點外圍作為錨點,開叉點為痛點位置,其餘兩條開叉貼布沿痛點周圍包覆,施加張力同樣為80% 。

特別鳴謝RockTape耗材提供

參考資料:

Medical Conditions in the Athlete 3rd Edition

運動傷害與肌內效貼布

Clinical Therapeutic Applications of The Kinesio Taping Method(by  Dr.Kenzo Kase  , Jim Wallis , Tsuyoshi Kase)

A Practical Guide To Kinesiology Taping(by John Gibbons)

Comments
Loading...