【跑步生活】一日24小時,幾點做運動?

0

一日24小時入面,到底咩時間先係最適合做運動呢?平時都係幾時得閒就幾時去跑步。咁但係幾點做運動先最能夠達到最大嘅運動效果呢?唔同時段做又會有咩唔同嘅效果呢?

凌晨4點到早上9點原來依段時間樹木中嘅二氧化碳釋出係最多,空氣品質唔太好。而且朝早人體嘅血液黏稠度比較高,尤其係高血壓同心血管疾病嘅患者,早起身去做運動對身體百害而無一利。所以,朝早去跑步嘅人除咗要控制好時間,做運動之前最好飲一杯水,佢可以稀釋血液、降低黏稠度。

午後2點到4科學家發現,人體生理周期最適宜運動嘅黃金時間,就係人體體溫最高嘅時候,肌肉最暖最有彈性,人嘅反應快,大力啲,冇咁易受傷,而脈搏跳動同血壓就係最低。而華盛頓大學有研究就指出,一般人下午2-4點體溫最高,而且依個時間陽光充足、溫度適宜、風力比較細,係跑步嘅最佳時段。不過係夏天,個太陽特別猛烈,大家就要小心做好防暑措施啦!

晚飯後

如果想減肥,係夜晚跑步絕對係咁多個時段入面最有效。因為夜晚做運動可以幫助消化食物,等脂肪唔會囤積係體內。不過,如果係太劇烈嘅運動,就會令到神經系統處於興奮狀態,要跑完步之後1小時先可以瞓覺,以免影響夜間睡眠。

之不過夜間跑步點都會有啲風險,相比日頭,夜晚出去跑步都要謹慎啲。

跑安全嘅路線
尤其係女仔,我哋夜跑嘅時候一定要揀安全同熟悉嘅路線。仲要儘量避免去啲好冷清或者好陰暗嘅路線,所以最好揀有路燈夠光猛嘅地方跑,以免發生意外。

電話電筒照明
夜晚運動最大嘅問題就係光線,有時候如果跑跑下跑咗去一個比較陰暗嘅地方,手機嘅電筒就可以發揮到最大用處,咁就可以確保安全。

儘量抬高腳步
有時夜晚嘅昏暗燈光會令人係視覺上對於高度同深度產生一定嘅錯覺,增加咗我哋跌倒嘅機會。所以,最好係一開始跑步個時就抬高啲腳步,等自己逐漸熟悉依種跑步姿勢,減少受傷嘅機會。

 

唔好聽歌跑步
好多人都好鍾意戴住耳機聽住歌去跑步。但係夜晚跑步,視覺會減弱,如果再塞住耳仔,就會聽唔到四周圍嘅環境發生緊咩事,大大增加受傷嘅機率,亦都會分散注意力,如果遇到咩突發情況,都無法第一時間作出反應。

 

Comments
Loading...