【跑步生活】一邊跑步一邊做心理治療

0

跑步對於人體嘅好處,又點只強身健體減肥操大隻咁簡單啊。每日有規律咁跑步其實仲可以係好有效嘅心理治療!到底跑步係點樣令到我哋嘅心理健度改善架呢?

1. 建立自我概念

自我概念即係我哋對於自己身體、思想同情感上嘅主觀整體評價,佢係由好多唔同嘅自我認識組成,包括我哋對於自己嘅身份、主張嘅事情同鍾意嘅事物等等。堅持跑步鍛鍊,可以令到我哋體格強健、精力充沛、提高駕馭身體嘅能力,仲可以改善我哋對自身嘅滿意程度,確立良好的自我概念。

2. 增強認知能力

跑步鍛鍊可以改善到我哋嘅認知過程,有效縮短我哋嘅反應時間、改善都市人的注意力同思維混亂等症狀嘅發生,尤其是對老人家嘅認知能力,改善效果明顯。

3. 心理治療


長期堅持跑步鍛鍊有助於治療心理上嘅病患,,例如係抑鬱症同焦慮症。研究發現,跑步鍛鍊係治療抑鬱症嘅有效方法之一,抑鬱症患者經過有規律嘅體育鍛鍊,抑鬱症狀就可以顯著減輕。跑步鍛鍊仲可以舒緩焦慮嘅作用,經過長期有規律嘅跑步鍛鍊,可以令我哋嘅焦慮症狀明顯改善。

4. 改變睡眠模式


根據腦電圖顯示,人嘅睡眠可以分為兩種狀態,一種係慢波睡眠狀態,即係淺度睡眠狀態;另一快波睡眠狀態,深度睡眠狀態。一夜之間兩種睡眠狀態會交替發生4-5次。有規律嘅跑步鍛鍊除咗對慢波睡眠有促進作用,仲可以縮短入眠潛伏期,延長睡眠嘅時間。

5. 改善情緒狀態

Image result for emotions
研究發現,跑步鍛鍊對人嘅情緒狀態有顯著嘅改善效應。做完運動之後,我哋嘅焦慮、消極情緒嘅程度都會顯著減輕,而精力同開心嘅程度則都會顯著增強。而且情緒嘅變化,同我哋嘅健康狀況、運動形式和運動強度都有直接嘅聯繫。

跑步鍛鍊對我哋嘅情緒仲有長期效應。比起冇跑步做運動嘅人,有規律咁練跑嘅人係較長嘅時間內都好少會產生焦慮、抑鬱、緊張同心理紊亂等各種負面消極嘅情緒。

Comments
Loading...