【跑步生活】做運動都有得「分期」?

0

平時睇開啲健康資訊,都會建議我哋每日最少運動三十分鐘先會有效,但原來三十分鐘係可以係一日中累積落嚟!唔洗一次過做哂架!

其實每日運動三十分鐘係應該分開早、午、晚每段時間運動十至十五分鐘,咁樣比起一日集中運動三十分鐘係更加有效架!

美國早係 20 世紀末就已經有相關研究,發現運動時間如果好似分期付款咁,一日內分時段,無形中會做多咁運動,額外累積多啲時數,令到運動效益更勝一籌,所以日常瑣碎時間都好應該做下運動。哩然我哋工作生活好忙碌,但一有時間郁動一下,例如快步行、行樓梯,或搭巴士地鐘嘅時侯,早一個站落車行路返屋企, 就可以積少成多啦!

台灣做過一個大型研究,根據健康管理機構 15 年嘅健康檢查資料分析,發現每星期運動 達92 分鐘嘅人,比起完全唔做運動嘅人,平均壽命延長 3 年、而總死亡率降低咗 14 %、癌症死亡率更加會減少 10 %。

不過好多人都擔心運動時數唔夠多,會消耗唔到體內嘅脂肪。其實人體係做運動嘅時候,新陳代謝會加快,會首先消耗咗血糖,之後第二至十分鐘會啟動肝醣,最後會消耗脂肪去令生產葡萄糖。所以短時間運動其實係可以燃燒脂肪,只係時間愈做得耐,消耗嘅脂肪就愈多。

如果冇做開運動嘅話,可以先由中等強度嘅運動入門,好似健步走、游水、行樓梯或者踩單車,利用每日最短嘅時間,由15 分鐘開始,慢慢累積第二個、第三個 15 分鐘,咁一日運動嘅時數就可以慢慢拉長啦!

Comments
Loading...