【跑步生活】學生跑步有助考試

0

各位學生要留意啦!有好嘢益你哋!大家平時讀書讀得咁辛苦,真係應該多啲跑步郁動下,因為原來跑步對於大家讀書考試係有好大跑好處架!跑步個陣腦入面會分泌出腦內啡多巴胺血清素等等,提升專注力同記憶力

有時覺得跑步真係萬能嘅,強身健體減肥瘦身操肌肉…宜家仲發現原來對讀書都有幫助!有調查學生運動習慣嘅研究發現,每星其會跑步 3 日以上嘅學生,唔單只專注力同胃口變好,仲可以容易入睡添架。運動嘅時候腦內會分泌出好多激素,例如會令人覺得開心、幸福嘅腦內啡、多巴胺,仲可以調節體內正腎上腺素、分泌血清素,提升學生嘅專注力同記憶力!平時溫書一定事半功倍,考試自然有好成績啦!

台灣有一個研究針對小學班高中嘅學生,進行「學生參與跑步運動效益」嘅問卷調查,發現接近 6 成學生每星期跑步 3 日以上,2 成 1 每星期運動 1 至 2 日,另外有 1 成 9 嘅學生冇固定跑步嘅習慣。睇嚟台灣學生嘅連動風氣比起香港好好多。

調查顯示,每星期會跑 3 次步嘅受訪者入面,有 4 成受訪者認為跑步之後專注力有所提升,近 4 成發現胃口變好咗,另外有3成受訪者覺得跑完步個晚更加容易入睡,相比於跑步次數少啲嘅學生 1 至 2 成。但係如果每次跑步跑時間都不超過 30 分鐘,可能令到運動嘅效果冇咁明顯。

Comments
Loading...