【跑步生活】晨跑對身體最有益?

0

大家平時會咩時候去跑步架呢?食完Lunch之後去跑15分鐘?收工去跑?定係夜晚食飽之後去跑翻幾個圈幫助消化下?但係原來最佳跑步嘅時間係朝早啊!
美國路跑教練坎妮漢(Meghan Kennihan)話過:

早晨運動能讓身體的運作迅速進入狀況,降低血壓,提升新陳代謝,使你在工作上更有生產力

到底清晨時份去晨跑對身體有咩好處呢? 

1. 提升專注力

係啱啱瞓醒仲係眼矇矇嘅狀態之下勉勵自己落街跑步,就會有神奇嘅事發生!腦袋會即刻變得清醒,對四周圍嘅敏銳度都即刻提升,就算係跑完步之後都唔會消失。劇烈嘅有氧運動,會令人嘅專注同觀察力都變得更好。

2. 情緒穩定

美國心理學會(American Psychological Association)發現,有晨跑習慣嘅人處事會鎮定啲冇咁騰雞,可能因為運動有助血清素(serotonin)嘅分泌,可以令我哋嘅情緒和緩同冇咁情緒化。

3. 改善睡眠質素

都市人經常都會失眠,搞到第二日反應遲頓,成個人好似未開機咁。規律嘅有氧運動可以增進睡眠質素,減輕失眠。心肺鍛鍊會令人充滿能量,係朝早進行晨跑運動,咁全日嘅精神都會變得更好,夜晚都可以容易啲入眠。

4. 唔會暴飲暴食

一個針對女性跑步同卡路里攝取嘅研究發現,如果係食嘢之前先跑步 90 分鐘,吃落肚嘅總熱量比起冇跑步嘅女性少好多!所以,運動過後嘅人反而冇咁容易暴飲暴食。

5. 骨質更強健

每天曬大概十至十五 分鐘太陽,就可以合成一日所需嘅維他命 D,唔洗擔心對身體會有危害。

嘩原來晨跑有咁多着數,大家快啲試下啦!

 

Comments
Loading...