【跑步生活】肯亞皇者餐單曝光

0

係非洲肯亞依個長跑皇國入面,每年培訓出嚟嘅長跑好手真係多不勝數。係2011年嘅馬拉松世界排名前一百名入面,就有六十六人係來自肯亞!肯亞人跑得咁快,到底佢哋食咩大架?等我哋就睇下肯亞嘅長跑選手每餐食啲咩架啦!

其實肯亞嘅跑手每日嘅飲食都好清淡同簡單。因為經濟環境嘅關係,佢哋好少食肉。佢哋嘅三餐多數都係澱粉質同蔬菜,所以佢哋會係豆類、雞蛋同牛奶到汲取蛋白質。

肯亞跑手早餐多數會食雞蛋、多士、香蕉。雞蛋提供蛋白質、維他命D、維他命E、葉酸同奧米加3脂肪酸等。多士嘅澱粉質同碳水化合物為身體提供能量。而香蕉就係大受跑手歡迎嘅生果,除咗有纖維幫助消化,仲有豐富碳水化合物,幫肌肉組織修復同恢復。

佢哋每一餐都會食烏加利(Ugali),就好似我哋東方人每餐都要食飯咁。Ugali其實係用糯米粟磨成粉再加水攪件而成嘅粉團,亦有人會用木薯粉,或者高粱粉去取代粟米粉。Ugali本身係冇乜味道嘅,但都好似飯咁,會有淡淡嘅香甜。肯亞人食飯多數都唔用餐具,佢哋會直接用手拎小小Ugali放係手到,將佢捏到好似個碟仔咁,再包一啲豆、蔬菜加埋調味料一齊食。粟米係鹼性穀物,可以令身體保持弱鹼性,快速恢復疲勞,令身體唔容易累積乳酸,最適合長跑。加上Ugali嘅升糖指數較低,可以令人冇咁易肚餓。

肯亞人好時都會用豆去取代肉類,因為肉好貴,煮嘅過程都會好麻煩。所以肯亞人會係豆類,例如French beans、nyayo、黃豆、綠豆等汲取蛋白質。

至於蔬菜類,肯亞屬於高原地方,好鞋可以種到菜。好彩肯亞盛產羽衣甘藍。羽衣甘藍係超級食物(Super food)嘅一種,含有豐富嘅膳食纖維同維生素 C、K、B 群、葉酸、二吲哚基甲烷(DIM)同蘿蔔硫素(sulforaphane)等抗癌免疫調節劑。

原來肯亞除咗咖啡豆出名之外,其實仲盛產茶葉。肯亞人好中意飲茶,典型嘅飲法係茶葉加牛奶。除了茶葉中的抗氧化劑,加牛奶的喝法也補充了鈣質

睇完肯亞跑手嘅餐單,筆者都表示好想試下!尤其係Ugali依種又飽肚又健康嘅依啲咁適合減肥食嘅食物啊!大家都可以參考下依個餐單,改變下自己嘅飲食習慣,身體健康啲自然跑得快啲!

Comments
Loading...