【跑步生活】運動飲品同水,你會點揀?

0

每次跑步跑到身水身汗,身體都會流失咗好多水份。係依個時候,補充水份係好重要架!但到底飲水足唔足夠填補返我哋所流失嘅水份呢?定係運動飲品可以更加有效呢?

其實比起水,運動飲品多咗糖份電解質,依兩樣都係跑手嘅即時能源。

糖份可以為跑手提供熱量。好多馬拉松跑手係2-4小時嘅跑程之中,體內嘅能量會不停消耗。但係一路跑一路食會令到腸胃消化得唔好,好影響跑手嘅表現。所以依個時候就可以靠運動飲品去補充流失嘅能量啦,因為運動飲品可以以流質熱量作補充,所以係補充能量方面係好有效率。

除此之外,運動飲品入面仲有電解質。原來我哋做運動時出汗流失嘅唔只水份,仲有電解質!電解質對於肌肉動作、人體 pH 值同生理機能調節,都係好重要嘅物質。如果人體缺少電解質,充伯好容易抽筋、生理機能失調,所以電解質都係跑者必需嘅營養。

咁幾時先應該飲運動飲品呢?咁就要視乎你係運動過程中流失咗幾多電解質啦。如果大家係長時間高強度嘅運動量下覺得口渴,可適量咁補充運動飲料,咁就可以快速補充體內流失嘅水份和電解質。大家應該係運動中、後隔大概 20 分鐘飲運動飲品,每次 100-150ml 多次少量飲用。而係以下嘅情況下,運動飲品就可以大漲用場啦。

  1. 係烈日下進行長時間(多於一小時)嘅戶外運動,例如毅行者同馬拉松比賽。當我們做劇烈運動嘅時候,身體會產生熱能,令體溫上升,排汗亦會相對增加。因為汗入面含有鈉、鉀等電解體,所以電解質補充同水分補充一樣重要。大量流汗之後,如果補充不足,體液失衡下就會出現無力、痙攣、休克等徵狀。
  2. 參與耐力運動,例如三項鐵人、公路單車、毅行者、馬拉松賽事。係運動期間,選手嘅身體會不停咁消耗熱量,而消耗幾多熱量就要視乎運動員嘅體重、運動時間嘅長短同空氣溫度。運動越劇烈,時間越長,熱量消耗就越多。要補充熱量,就要補充醣質。美國運動醫學學會建議如果持續劇烈運動超過一小時,醣嘅攝入速率係每小時30至60克,咁先可以維持醣類氧化,推遲疲勞嘅情況。依個速率嘅醣分可以由每小時飲600至1,200毫升含有4-8%醣質濃度嘅飲料去補充。醣質可以係單糖,例如葡萄糖和果糖,亦可以係雙糖,例如蔗糖。
  3. 長時間進行訓練的運動選手好適合飲運動飲品。因為長時間接受鍛練,運動員嘅肌肉好容易受到勞損,令到動作變慢,影響表現,所以需要運動飲品入面嘅營養成分補償。

 

Comments
Loading...