【跑步生活】郊外跑步抗抑鬱

0

平時大家跑步不外乎都係去下樓下公園,跑下街,最遠最多都係去海濱或者海旁跑步,都好少會去到郊外運動。 但係,大自然就係有股神秘嘅魔力!

調查發現,原來係郊野地方跑步,對於人嘅精神健康係好有幫助架。有唔少跑步愛好者都試過係郊外地區跑步,跑完之後覺得特別精神爽利,連煩惱同唔開心都唔見唒!係郊野跑步到底係咪真係咁有效可以令人開心返埋嚟呢?

史丹福大學Gregory Bratman教授做咗一個研究關於係自然環境下做運動對於反芻思考,同埋抑鬱症或其他情緒病嘅影響。反芻思考(rumination)即係鑽牛角尖不斷亂諗嘢,腦海裡會不斷回想以前唔愉快嘅經驗,通常會令人越來越低落,抑鬱症患者就好容易會有依個現象。研究搵咗一班參加者進行90分鐘嘅慢跑實驗,以及利用腦照影技術去觀察大腦狀態嘅改變。佢哋會分成市區組同自然組,市區組會好似平時咁,係市區到跑,而自然組就會係郊野公園到跑。

實驗完咗之後,發現郊區與都會區散步並無任何心跳、血壓等生理指標上嘅差異。但自然組嘅參加者都表示跑完之後身心舒暢唒!除此之外,功能性磁振造影(fMRI Scan)都顯示出自然組參加者大腦膝下前額皮質區嘅活躍程度較低,參與者的反芻思考行為都明顯較低。咁即係代表我哋平時跑步嘅地點,都影響住我地跑步成效同精神狀態!得閒多啲去郊外跑步,個人自然多啲正能量,平靜啲唔會成日亂諗嘢。

所以話,大家一定要襯住假期去夕啲戶外地方,唔好成日留係冷氣地方啦!多啲去下郊野公園跑步,人都健康啲開心啲!

Comments
Loading...