【跑步迷思】夜跑等於慢性自殺!?

0

日日返工都朝九晚六,就算想做運動去跑步都要等到夜晚食飽飯先可以去。但竟然有人話,夜晚跑步等於慢性自殺!?到底係咪真架呢?咁我以後咪冇得跑步?

好彩,其實依個講法只係一個謠言,更加有專家指,從運動醫學嘅角度嚟睇,夜晚跑步嘅好處係有好強力!

1. 夜跑嘅時候,只需要掌握到適當嘅跑步速度同練習時間,加上運動之後個人會比較攰,咁就可以提升自己嘅睡眠質素。

2. 人體嘅活動能力係晚上可以被充分發揮出來,所以係夜晚跑步,身體會更加容易適應運動嘅節奏。

3. 朝早我哋啱啱起身嘅時做,其實人體中各個器官嘅運作依然係處於低水平嘅,係依個時候練跑,對於心血管功能比較脆弱嘅人嚟講係比較危險架。

4. 有研究顯示,清晨嘅空氣入面嘅二氧化碳含量係最高,而且前一日懸浮係空中嘅塵埃都未完全消失,所以依個時候做運動遠,環境比起夜晚仲差。


夜跑切忌太劇烈
係運動醫學嘅角度嚟睇,夜晚跑步的確係有唔少好處,但專家亦都表示夜晚跑步最重要嘅一點係,千奇唔好太過劇烈同運動過度。而且,夜晚跑步健身,最好堅持一星期3次以上,每次30—60分鐘。

適量嘅運動負荷可以對人體可以產生好好嘅刺激,運動風險相對較低,亦都可以達到最大嘅運動利益。如果運動嘅負荷過小就會達唔到鍛鍊嘅目的,但相反,如果負荷過大,超出咗人身心所能承受嘅限度,就會好容易引發運動損傷,運動嘅風險亦都會大大增加。尤其係夜晚更加不宜過度運動。如果過度運動,大量流汗仲會造成人體免疫力降低、身體虛弱容易染病。

Comments
Loading...