【跑步迷思】跑步跑出象腿病?

0

擁有一雙白滑纖幼嘅小腿簡直係天下女生嘅夢想。尤其是夏天,女仔以熱褲短裙示人,一雙美腿絕對係不可缺少架呢!所以小腿對於女仔真係講得上係珍寶架呢!又要脫毛啦美白啦做瘦腿操啦…..真係少啲功夫都搞唔掂!係依個時候,竟然聽到有人話,跑步會令小腿變粗!?真係晴天霹靂啊!


到底跑步係咪真係會令到小腿練成筋肉腿呢?如果真係的話又有冇解救辦法呢?
如果想減肥,跑步絕對係一個好好嘅選擇,佢除咗方便路需要輔助工具,仲係一種好有效嘅帶氧運動。

 

短跑有爆發力 腿易變粗講到跑步會唔會腳粗,其實好視乎運動嘅程度。原來我哋跑步嘅時候,身體八成嘅肌肉都會郁動包括腹部及手腳。所以要減款手臂大脾肚腩嘅肥肉,跑步真係好有放架!但係千奇唔好係短時間傷面快跑,咁樣會谷出肌肉,到時真係變成筋肉人。因為短跑好有爆發力, 容易令肌肉膨脹及豐滿,從而令小腿變粗。

緩步跑 練出美腿線條
唔想小腿變粗,跑步嘅時候就要注意速度啦。唔想操出肌肉,就應該要緩步跑或急步行。因為長跑係耐力運動,可以燃燒皮下脂肪,肌肉纖維受到刺激會變得結實,唔會膨脹。所以大家平時見啲馬拉松跑手都唔會有甲組腳架!

熱身按摩 雙管齊下

運動前要拉筋熱身避免受傷,運動後又再拉筋同按摩小腿舒緩,咁就可以令腿部線條更靚。

Comments
Loading...