【跑步迷思】運動性頭痛有冇得醫?

0

話說筆者成日都懶得做運動,習慣每日唔係坐就瞓,所以身體都有啲廢。所以每一次落樓下公園跑步,跑唔夠兩個圈就見頭痛,最後頂唔順就會由跑步變咗飯後散步。有時我都會好懷疑自己係咪有絕症個腦生咗個瘤之類,但我咁後生哩啲嘢唔關我事嘅!係咪真係有病?

原來跑步會頭痛係真係有病!但好彩唔係咩不治之症,只係「運動性頭痛」!依種頭痛主要出現係一啲平時好少做運動嘅人身上(無錯就係筆者)。「運動性頭痛」嘅症狀包括係跑步後覺得好頭痛同想嘔。至於點解會頭痛呢?

1. 頭部血管擴張
因為平時太少鍛煉,令到每次劇烈運動,頭部血管為咗肌肉病足夠血液同能量供應而過度擴張。快速嘅血液流動會對血管造成一定嘅壓力,從而對腦部神經產生一定嘅壓迫引起頭痛。

2. 電解質流失過多
平時候做運動出汗除咗流失水份之外,電解質都一齊流失。如果身體入面嘅電解質唔平衡,都會引起頭痛。不過依個情況多數都係出現係夏天。

要根治「運動性頭痛」,就要勤力每日做運動啦!但係都要留意,係運動之前要好好評估自己可以承受嘅運動量,然後慢慢循序漸進咁增加運動量,好快身體就可以重新適應番做運動架啦!

Comments
Loading...