【路加利有話兒】找一雙適合自己的跑鞋

0

對於一個長跑人來說,跑鞋就正正等於一個軍人手上的武器一樣,必須找到一雙適合自己的。我經常都會跟我的院友分享,你必須對自己跑鞋好像太太或女朋友一様去對待,如果可以跟它拍拖,談情,生小朋友咁就最好不過。因為這樣做,佢一定會感受到你對佢的愛,佢絕對不會在賽場上出賣你!

小弟天生有嚴重的扁平足,我太太形容我呢雙叫鴨仔腳。最終皇天不負有心人,經過我不斷咁嘗試不同的牌子及款式,終於給我找到三間牌的一個系列,經過我日以繼夜,夜以繼日地跟佢談情說愛,佢現時著得我又舒服,腳又唔痛,最重要係跑得快!所以一雙適合自己的武器是幾重要呢!

加油吧!拍檔!

另外,大家在跑馬拉松的時候,會不會在跟自己談話呢?我就經常會這樣做,我特別會跟自己雙腳談天說地。當跑過三十多公里時,你的好拍檔會跟你哭訴,這時我大多數會跟好拍檔說︰還有不夠十公里!加油吧!拍檔!

所以大家也必須善待你的好拍檔,要多多愛錫佢!運動前後記得拉筋,冰敷和按摩呀!

路加利 Facebook: Luke Gary Tsau

Comments
Loading...