【運動女生】月經時跑步(上)

0

女仔月經嘅時候真係好辛苦架。一個月入面嘅依幾日總會坐唔安食唔落,又要戒口唔食得生冷嘢,有時經痛仲淨係可以攤係張床上面郁都郁唔到。咁到底依幾日應唔應該做運動呢?
個人身體狀況

月經係荷爾蒙分泌嘅自然定律,好多女仔係生理期間因為受到黃體素同雌激素分泌影響,成日都會出現頭暈、頭痛、腹痛、情緒焦躁等經前症候群,但並唔係每一個女仔都會出現依啲類似嘅症狀,所以跑唔跑步都好睇個人嘅身體狀態。如果身體承受得到,跑一陣係冇問題嘅,但係依段期間嘅雌激素同黃體素都好低,不適合快跑或者長跑。如果身體真係好唔舒服,連企都企唔到嘅話,咁就唔好勉強,要好好哋休息啦。

經痛
慢跑有利於血液循環

月經嚟之前,好多女仔都會有水腫嘅問題,而慢跑依種輕微嘅運動,可以令到身體發熱,有利血液循環。經期嚟嘅時候,除非係有經痛問題淨係可以攤係床,如果唔係就可以利用慢跑嘅方法,去幫助經血排出,但記得要避開月經最高峰嘅個一日,唔好做劇烈運動。月經完咗之後嘅第七日,身體逐漸恢復,新陳代謝最好,精神力狀態最好,依個時候就可以盡情去跑,可以有效達成瘦身效果。
下次再同大家睇下月經時跑步嘅好處同需要注意嘅地方。

 

Comments
Loading...