【運動女生】月經時跑步(下)

0

上次我哋就睇過月經時候咩情況可以跑步啦!咁到底月經跑步有咩好處架呢?而各位運動女生又有啲咩而要注意呢?

跑步改善經前不適
月經嚟之前總係會好唔舒服,肚漲漲咁好辛苦,個人仲會好暴燥好易發脾氣。但係慢跑係可以幫助提高血液入面嘅色胺酸,促進腦內嘅血清素含量,可以降低焦躁同容易發嬲嘅情緒,不過平時有跑開步嘅話,就要控制運動量,唔好勉強自己,如果覺得唔舒服就要停啦!但如果係經前不適好嚴重嘅人,跑步可能會加重盆腔負擔,反而令到經痛更加嚴重,仲可能會令子宮出現拉扯,造成經血流失過多,所以最好都係休息。

如果係月經初來嘅少女,就最好唔好跑步啦。因為月經初期嘅出血係屬於唔穩定嘅狀態,加上身體又發緊育,依個時候如果進行一啲比較劇烈嘅運動,會對身體造成不良影響。如果真係好想做運動,可以試下係床做仰臥起坐、伸展操之類緩和嘅運動。

 

生理期跑步要注意以下幾點!

1. 足夠嘅睡眠好重要!
2. 運動唔好太過劇烈,超出身體嘅承受範圍。

3. 如果平時一個星期鍛煉4次,咁生理期嘅時候就減少到2次就夠啦。

4、跑步嘅時候要儘量降低速度、減小步幅,保持慢跑就最好,運動嘅時間都應該減少。

5、最大心率唔可以超過60%(最大心率:220減去年齡)。

6、月經初來嘅少女唔適合跑步。

7、注意保暖避免感冒。

8、量力而為,唔好勉強自己。

Comments
Loading...