【運動女生】跑步消脂秘訣

0

明明已經好努力咁去付出,點解你都係唔識欣賞我,點解付出完到最後都係冇收獲?我講日日都好努力去跑步啊!明明每日都跑步,但點解都係瘦唔到?原來跑步唔係淨係不斷向前跑就我!要有效消脂,就一定要識得跑!

 

1. 盡量跑斜坡

係一般平跑路上面跑30分鐘大概可以燃燒270卡路里,如果傾斜程度提高百分之五,身體就會燃燒363卡路里,如果斜度再加大到百分之十,熱量燃燒就會達到420卡路里,所以係斜坡上面跑步比起平地有用好多。

2. 提高步伐

研究發現,如果用9分鐘跑完1.6公里,跑嘅步伐大就可以比細步伐燃燒多30卡路里嘅熱量。如果跑步嘅時間長,長期累積落嚟嘅熱量就會消耗咗好多啦。所以跑步個時要加大步伐,等全身嘅肌肉都可以郁動。

3. 跑太多太耐SPORTS - girl women brunette fitness exercise training tired sweating after run
挑戰自己運動極限係好,但千其唔好過咗龍啊!有人可能會迫自己狂跑二、三十個圈,運動量大大超出咗身體負荷。因為突然消耗得太多熱量,身體就會即刻儲存脂肪去保持體力,所以運動絕對要適度即可,啊好以為每日瘋狂挑戰自己嘅極限就可以瘦得快啲。

4. 快跑好過長跑


跑步減肥最重要嘅其實係運動嘅「強度」,同跑幾耐、跑幾長距離其實係冇直接關係架。根據各項研究證明,衝刺型嘅短跑比起長跑,燃燒脂肪嘅效果係高出兩倍。所以想跑步減肥,慢跑係冇用架!如果身體情況許可嘅,最好就加強力度,用快跑去運動身體消脂。

5. 跑步都要變
人嘅身體係好容易習慣嘅機器,一開始跑步嘅時候可能會好攰,不斷流汗,連手都會攰到震,但係只要達到穩定狀態,消耗嘅熱量就會好快降低。根據美國坦帕大學研究顯示,一開始跑步有助於減重,但如果長時間維持同一強度、同一距離,減重效果就會急速下降。所以,偶爾可以改變一下自己跑步嘅方式,或者每日跑多5分鐘就可以燃燒更多脂肪。

 

Comments
Loading...