【運動女生】運動後食澱粉質?

0

各位運動女生不嬲都對飲食好小心翼翼,尤其係做完運動之後!一定唔可以食太多嘢,最多都係食下生果飲多啲水,總之一定唔可以食澱粉質,如果唔係之前做落嘅運動就會徒勞無功架啦!但原來飯、蕃薯依類複合性澱粉類食物嘅最佳進食時間反而係運動之後!?

我哋係運動嘅時候流失咗好多肝醣,會令到肌肉分解、合成,所以運動之後一定要補充返足夠嘅營養,修補被破壞嘅肌肉組織等佢哋再生,提高新陳代謝。

如果只係依生果同烚蛋,入面嘅蛋白質根本唔夠補充營養,因為蛋白質合成係需要負責提供能量嘅碳水化合物幫忙先可以達到功用,所以運動之後攝取蛋白質配碳水化合物係好重要架。



如果係運動之後進食碳水化合物,最好就係運動之後嘅30分鐘內,而最好嘅碳水化合物選擇當然係白飯、蕃薯依類天然食物啦!麵包、蛋糕依類加工過嘅食物含糖量好高,對運動之後身體唔好,而佢哋正正就係令你運動之後越食越肥嘅主因啦。



 

Comments
Loading...