【運動女生】防曬唔少得!(上)

0

今年夏天個太陽好似特別曬咁,落街做運動跑步對住個猛烈太陽除咗出到成身汗之外,一個唔小心仲好容易曬到非洲黑人咁!

其實曬太陽有好多好處架,例如可以舒緩心情,增加體內維他命D等。但係,陽光中嘅紫外線就會好傷害肌膚,會曬傷皮膚、變黑、膠原纖維變性,嚴重嘅有機會導致皮膚癌!因為皮膚癌當中嘅鱗狀細胞癌,同紫外線曝曬係有好大關係,尤其係夏天好毒嘅太陽,更加會對肌膚產生即時性嘅傷害添。


俗語有話:「一白遮三醜」
,擁有白皙嘅肌膚,真係會令到女仔嘅氣色精神好多。所以防曬真係好重要架!等我哋睇下有咩防曬注意先!

SPF防曬系數越高越好?
SPF防曬系數係要視乎個人膚色、個人皮膚對於陽光嘅反應同日照時間而定,太高嘅SPF反而會對樣膚造成負擔。所以我哋要揀適合自己嘅防曬乳液,仲有每兩個鐘就要有一次,先可以達到最佳防護效果。係烈日下長時間曝曬,去沙灘或者利山等戶外活動,記要選擇SPF高嘅產品,例如SPF30、PA+++ 以上嘅防曬,仲要記得定時補啊!

搽咗防曬 = 防咗曬?
防曬產品要滲透到角質層係需要一啲時間,所以出門口之前嘅15-20 分鐘就要搽定啦,搽幾多防曬都好有研究架!根據美國食品藥物管理局嘅建議,一塊面大概要搽3份2隻手指咁多,先可以達到完整防護效果。所以一支30ml嘅防曬如果一日擦 3 次,半個月內就應該要用完。


陰天唔洗搽防曬?
紫外線嘅 UVA 穿透性好強,可以穿過雲層、玻璃進入室內、車內,甚至穿透皮膚表皮層進入較深層嘅真皮層,令皮膚曬黑、出斑、老化,由於照射過量嘅UVA 係唔會即刻感受到發紅或者疼痛,所以經常令人忽略,等到皮膚出現異常變化時,就已經太遲啦。所以就算係陰天雨天都係要做好防曬嘅保護。

徹底防曬
在揀防曬嘅時侯,除咗標示阻擋 UVB嘅SPF之外,我哋仲要揀埋有標示 PA值以抵擋 UVA,確保皮膚受到全方位嘅防護。另外,SPF都唔係越高越好架,因為SPF越高,代表質地越厚,係炎熱嘅夏天,氣溫每增加 1 度,皮質嘅分泌就會增加 10%,再加上運動時侯身體大量流汗同皮膚出油,為咗避免太厚嘅防曬反而會為皮膚造成負擔,建議大家揀 SPF30、PA+++ 嘅防曬乳液,仲要記得定時補,咁就可以達到防曬效用又清爽。

 

Comments
Loading...