【運動科學怪人】你信唔信有愛情魔法?

0

超級馬里奧故事遊戲(Super Mario)主軸喺講述水管工馬里奧大叔,踏上冒險旅途拯救自己心愛嘅公主,當中激發出馬里奧好多驚人潛能,最終突破重重難關成功救返公主,玩家完完全全體驗到愛情嘅偉大,爆機嗰一下,睇到馬里奧同公主重聚一刻,都會不禁眼泛淚光講一句愛情真喺偉大。不過回歸現實,體壇上的而已確有唔少金童玉女,一齊牽手出征大小賽事,最後收成正果,婚禮上都會講有對方支持先有今日嘅成就,到底愛情魔法喺唔喺真實存在,定只喺幻想呢?

科學界對於依個問題都開始感到興趣,有一個科學團體喺奧運期間進行咗一個問卷調查,問卷設計得非常簡單,內容只有三條題目,第一條「你有無戀愛經歷?」,第二條「如有,你覺得戀愛有助提升運動表現嗎?」,第三條「如有如無,試解釋說明」,一共調查咗20位有過戀愛經歷運動員,19男1女,當中有7個人已婚,4個與伴侶同居生活,5個有穩定戀愛關係,4個過往有戀愛經歷。

研究結果顯示原來世界上真喺有愛情魔法嫁!喺20個有戀愛經歷嘅運動員當中,高達15個運動員認為戀愛關係確實對運動表現有所幫助,原因同科學家原先假設嘅推論差唔多,戀愛嘅時候大腦多巴胺(Dopamine)水平會比正常人高,令到人長期處於亢奮狀態,精神能量較高,會幫助運動員喺比賽中更易於集中精神,減低外在環境影響運動表現,所以原來愛情魔力真面目就喺多巴胺(Dopamine)。

另外一個擁有穩定戀愛關係有助於運動表現嘅原因,其實相當簡單,就喺有人幫忙照顧家庭,令到自己有更多時間專心訓練同比賽,理所當然會比其他單身仍然要自己打理日常大小事務嘅運動員,更能夠全程投入運動當中,而運動成績同表現自自然然比單身運動員優勝。

確實愛情魔法喺運動界一直都好似迷一樣,似有似無,一直無一個大型而且正式嘅科學研究證實佢喺確實存在,戀愛有助於運動表現,不過依編文獻顯示出馬里奧因為愛情愈戰愈勇,並唔喺老作,現實中真喺有可能存在嫁!!

參考資料:

Does Love Influence Athletic Performance? The Perspectives of Olympic Athletes(Kelly Campbell, Cheyenne Hosseini, Kelly Myers1 & Nina Calub )

NSCA-Essentials of Strength Training and Conditioning 4th Edition.

NSCA-Essentials of Personal Training, 2nd Edition

Comments
Loading...