【運動科學怪人】心理因素會影響運動耐力表現?

0

 

有無諗過最頂尖嘅運動員技術水平,體能水平,比賽經驗都達到頂峰,實力都應該不相百仲,比賽之前大家都認為會喺一場「五五波」嘅比賽,點解會有大比數嘅情況出現,其實一切都喺心理作用影響表現!不過心理狀態好受其他因素所影響,比賽或者訓練期間有唔少心理技巧可以使用,主要有自我對話,目標設定,意象訓練法,其他心理訓練法,其實到底運動員平常主要會受咩心理因素影響為主呢?

今次所講嘅研究屬於回顧性文獻,文獻指出現今科學界一共有101編文章同今次研究內容有相關性,當中只有46編岩用,而綜合咁多編文章,作者得出三個對於進行耐力型運動訓練嘅時候最大嘅心理因素影響。

1.   心理性疲勞:

a.    耐力型運動通常都有極長嘅運動訓練時間,運動員往往需要長時間集中注意力同做大量決定,所以好容易出現大腦疲勞嘅情況出現,影響心理質素。

b.    因為大腦疲勞嘅原因,教練同耐力型運動員溝通,最好用直接正面嘅指導方式訓練運動員。

2.    音樂:

a.    運動嘅時候聽音樂無論進行邊一種強度訓練都有正面效果,當中更有研究證實可以降低乳酸值同促進耐力表現

3.     安慰劑或虛礙回應:

a.    運動嘅時候使用聲稱有助提升運動表現嘅安慰劇,可以由心理層面上提高耐力型運動員競技表現,即使實質上無任何作用,心理上其實都可以大幅提高運動表現。

 

研究最大嘅價值在於確實證明咗運動表現同心理有密不可分嘅關係,而且解釋咗為什麼即使最頂尖嘅運動員都會突然間表示「大倒水」,不過科學界對於運動心理學仍然未有太深入嘅了解,相信未來會有更多充滿驚喜嘅研究推出。

 

參考交文獻:

Psychological Determinants of Whole-Body Endurance Performance( Alister McCormick • Carla Meijen •Samuele Marcora)

NSCA-Essentials of Strength Training and Conditioning 4th Edition.

NSCA-Essentials of Personal Training, 2nd Edition

 

 

Comments
Loading...